విధి నిర్వహణలో విషాదం..నేతల కన్నీటి నివాళి

రామగిరి, అక్టోబర్ 24 (విజయ క్రాంతి): పెద్దపల్లి జిల్లా రామగిరి మండలం రత్నాపూర్ గ్రామానికి చెందిన సురాయపల్లి గ్రామ పంచాయతీ కార్యదర్శి శనిగరపు జయపాల్ ఓడేడు వాగు వద్ద ప్రమాదవశాత్తు నీటి గుంతలో పడి మృతి చెందడం తీవ్ర విషాదాన్ని నింపింది. జయపాల్ మృతి విషయం తెలుసుకున్న మంథని బ్లాక్ కాంగ్రెస్ పార్టీ అధ్యక్షుడు తొట్ల తిరుపతి యాదవ్ ఆయన పార్థివదేహానికి పూలమాల (Floral Tribute) వేసి ఘనంగా నివాళులర్పించారు.

ఈ సందర్భంగా జయపాల్ మృతి పట్ల ప్రగాఢ సంతాపం (Condolences) వ్యక్తం చేసిన తొట్ల తిరుపతి యాదవ్, ఆయన కుటుంబ సభ్యులను పరామర్శించి తన సానుభూతిని తెలియజేశారు. జయపాల్ మృతి బాధాకరమని, ఈ విషాద సమయంలో ఆయన కుటుంబ సభ్యులకు మనోధైర్యం కలగాలని ఆకాంక్షించారు.

ఈ కార్యక్రమంలో మాజీ ఎంపీపీ అరెల్లి దేవక్క, కొమురయ్య గౌడ్, రామగిరి మండల కాంగ్రెస్ ఎస్సీ సెల్ అధ్యక్షుడు కండె పోషం, బీసీ సెల్ అధ్యక్షుడు బండారి సదానందం, మాజీ సర్పంచ్ ఎరుకల బాపురావు, పెద్దపల్లి జిల్లా కాంగ్రెస్ యువజన నాయకుడు మట్ట రాజ్ కుమార్ తదితరులు పాల్గొని జయపాల్‌కు నివాళులర్పించారు (Tribute Ceremony).