బీజేపీలో ఎమ్మెల్సీ టికెట్ల సందడి.. ఒక్కో స్థానానికి ముగ్గురు!
డు BJP కీలక భేటీ.. MLC అభ్యర్థులపై Big Decision!
హైదరాబాద్: తెలంగాణలో పట్టభద్రుల ఎమ్మెల్సీ (Graduates’ MLC) ఎన్నికలపై భారతీయ జనతా పార్టీ (BJP) దృష్టి సారించింది. అభ్యర్థుల ఎంపిక ప్రక్రియను వేగవంతం చేసేందుకు నేడు మధ్యాహ్నం 12 గంటలకు పార్టీ ఎన్నికల కమిటీ (Election Committee) సమావేశం కానుంది. రాష్ట్ర బీజేపీ అధ్యక్షుడు ఎన్. రామచందర్ రావు అధ్యక్షతన జరిగే ఈ Meetingకు రాష్ట్ర పార్టీ వ్యవహారాల ఇన్‌చార్జ్ సునీల్ బన్సల్ హాజరుకానున్నారు. ఈ సమావేశంలో పట్టభద్రుల ఎమ్మెల్సీ ఎన్నికల్లో పోటీ చేసే అభ్యర్థుల ఎంపికపై ప్రధానంగా చర్చించనున్నారు. పార్టీ తరఫున పోటీ చేసేందుకు ఆసక్తి చూపుతున్న ఆశావహుల పేర్లను పరిశీలించి, ఒక్కో నియోజకవర్గానికి మూడు పేర్ల చొప్పున Shortlist చేయాలని నాయకత్వం భావిస్తోంది. ఈ పేర్లను తదుపరి పరిశీలన కోసం పార్టీ అధిష్ఠానానికి పంపించే అవకాశం ఉంది.
రెండు Graduates’ MLC స్థానాలపై ఫోకస్
తెలంగాణలో జరగనున్న రెండు పట్టభద్రుల ఎమ్మెల్సీ స్థానాల్లో బలమైన అభ్యర్థులను బరిలోకి దింపాలని BJP నాయకత్వం వ్యూహరచన చేస్తోంది. అభ్యర్థుల ఎంపికలో స్థానిక నాయకుల అభిప్రాయాలు, గెలుపు అవకాశాలు, నియోజకవర్గంలో పార్టీ బలాబలాలు వంటి అంశాలను పరిగణనలోకి తీసుకోనున్నట్లు సమాచారం. ఈ నేపథ్యంలో నేటి సమావేశం కీలకంగా మారింది. ఎన్నికల కమిటీ చర్చల అనంతరం మూడు పేర్లతో కూడిన Panel సిద్ధం చేసి అధిష్ఠానానికి పంపే అవకాశం ఉంది. అయితే, తుది అభ్యర్థుల పేర్లపై అధికారిక ప్రకటన వెలువడే వరకు ఉత్కంఠ కొనసాగనుంది. నేటి Meetingలో జరిగే చర్చలు, తీసుకునే నిర్ణయాలపై పార్టీ శ్రేణులు ఆసక్తిగా ఎదురుచూస్తున్నాయి.
