99 ఏళ్ల లీజు ఆస్తులపై ఫిర్యాదు
ఆస్తులపై సమగ్ర విచారణ, రికార్డుల డిజిటలైజేషన్కు డిమాండ్
బోధన్,(విజయ క్రాంతి): బోధన్ మున్సిపాలిటీ(Bodhan Municipality) పరిధిలో 99 సంవత్సరాల లీజు కింద ఉన్న విలువైన మున్సిపల్ భూములు(municipal land encroachments), భవనాలు, ఇతర ఆస్తులకు సంబంధించిన రికార్డులను పకడ్బందీగా పరిరక్షించాలని కోరుతూ బోధన్ ఆర్డీవోకు ఫిర్యాదు అందింది. లీజు ఆస్తుల వివరాలపై సమగ్ర విచారణ చేపట్టి, పాత రికార్డులను డిజిటలైజ్ చేసి భద్రపరచాలని ఫిర్యాదుదారులు విజ్ఞప్తి చేశారు. 99 ఏళ్ల లీజు ఆస్తుల రికార్డులను సక్రమంగా నిర్వహించకపోతే భవిష్యత్లో వివాదాలు, ఆక్రమణలు, అక్రమాలు, రికార్డుల తారుమారు వంటి సమస్యలు తలెత్తే అవకాశం ఉందని ఫిర్యాదులో పేర్కొన్నారు.
ప్రజా ప్రయోజనాలను దృష్టిలో ఉంచుకుని మున్సిపల్ ఆస్తుల(municipal property records)కు సంబంధించిన యాజమాన్య, లీజు, రెవెన్యూ వివరాలను పారదర్శకంగా భద్రపరచాల్సిన అవసరం ఉందని తెలిపారు. మున్సిపాలిటీ పరిధిలోని 99 ఏళ్ల లీజు ఆస్తులన్నింటిపై సమగ్ర విచారణ నిర్వహించి, వాటికి సంబంధించిన పూర్తి వివరాలను సేకరించాలని కోరారు. పాత పత్రాలను డిజిటలైజ్ చేయడంతో పాటు భవిష్యత్లో రికార్డుల్లో అక్రమ మార్పులు జరగకుండా కేంద్రీకృత రికార్డు వ్యవస్థను ఏర్పాటు చేయాలని విజ్ఞప్తి చేశారు. అలాగే లీజు భూముల్లో ఉన్న ఆక్రమణలను గుర్తించి నిబంధనల ప్రకారం చర్యలు తీసుకోవాలని కోరారు.
ఈ మేరకు సెప్టెంబర్ 28న బోధన్ ఆర్డీవో కార్యాలయం(Bodhan RDO)లో ఫిర్యాదు సమర్పించగా, కార్యాలయ ఇన్వర్డ్ రిజిస్టర్లో 1679గా నమోదు చేసినట్లు ఫిర్యాదు ప్రతిపై ఉన్న వివరాల్లో పేర్కొన్నట్లు తెలిపారు. 99 ఏళ్ల లీజు ఆస్తులు భవిష్యత్లో ప్రజా ప్రయోజనాలకు ఉపయోగపడేలా వాటికి సంబంధించిన అన్ని రికార్డులను పారదర్శకంగా పరిరక్షించాలని ఎస్సీ, ఎస్టీ విజిలెన్స్ అండ్ మానిటరింగ్ కమిటీ జిల్లా సభ్యులు పెరక రామకృష్ణ, దళిత జర్నలిస్టుల ఫోరం అధ్యక్షులు గంధం రాజేష్, ఆమ్ ఆద్మీ పార్టీ సీనియర్ నాయకులు జూనైద్ అహ్మద్ ఖలీల్, కార్మిక విభాగం అధ్యక్షులు రవిశంకర్ గౌడ్ కోరారు. ఈ అంశంపై అధికారులు సమగ్ర విచారణ జరిపి నిబంధనల ప్రకారం తగిన చర్యలు తీసుకోవాలని వారు విజ్ఞప్తి చేశారు.
