పవన్ కల్యాణ్‌తో మరో సినిమా
దిల్ రాజు నుంచి క్రేజీ అప్‌డేట్స్.. రవితేజ మూవీ టైటిల్ ఫిక్స్!
ప్రముఖ నిర్మాత, డిస్ట్రిబ్యూటర్ దిల్ రాజు(Dil Raju) ఫుల్ జోష్‌లో ఉన్నారు. ఇటీవల తాను పంపిణీ చేసిన రెండు సినిమాలు మంచి విజయాన్ని అందుకోవడంతో మరింత ఉత్సాహంగా ఉన్నట్లు తెలిపారు. శుక్రవారం నిర్వహించిన మీడియా సమావేశంలో తన నిర్మాణ సంస్థ నుంచి రాబోతున్న సినిమాలు, కొత్త కాంబినేషన్లపై ఆసక్తికరమైన Updates వెల్లడించారు.
తెలుగు రాష్ట్రాల్లో పంపిణీ చేసిన రణబీర్ కపూర్ నటించిన ‘రామాయణం’ ఇప్పటికే రూ.1,000 కోట్ల వసూళ్ల మార్కును దాటిందని, Long Runలో రూ.2,000 కోట్ల నెట్ కలెక్షన్లు సాధించే అవకాశం ఉందని దిల్ రాజు అంచనా వేశారు. మరోవైపు నైజాంలో విడుదల చేసిన సూర్య చిత్రం ‘సీన్’ కూడా మంచి ఆదరణ పొందిందన్నారు. తక్కువ Budgetలోనూ బలమైన కథతో ప్రేక్షకులను మెప్పించి విజయం సాధించవచ్చని ఈ సినిమా నిరూపించిందని అభిప్రాయపడ్డారు.
ఇక తన కొత్త Projects విషయానికి వస్తే.. మాస్ మహారాజా రవితేజతో తెరకెక్కించనున్న చిత్రానికి ‘వీరాధి వీరులంట’ అనే టైటిల్ ఖరారు చేసినట్లు ప్రకటించారు. ఫిబ్రవరి నుంచి Shooting ప్రారంభం కానుంది. దేవిశ్రీ ప్రసాద్ హీరోగా పరిచయమవుతున్న ‘ఎల్లమ్మ’, విజయ్ దేవరకొండ నటిస్తున్న ‘రౌడీ జనార్దన’ సినిమాలను వచ్చే వేసవిలో విడుదల చేసేందుకు ప్లాన్ చేస్తున్నట్లు వెల్లడించారు.
పవర్ స్టార్ పవన్ కల్యాణ్‌తో మరో సినిమా చేసే అంశంపై చర్చలు జరిగినట్లు దిల్ రాజు తెలిపారు. అయితే Story, Director ఖరారైన తర్వాతే ఈ ప్రాజెక్టుపై Official Announcement ఉంటుందని స్పష్టం చేశారు. మరోవైపు దర్శకుడు అనిల్ రావిపూడితో 2028 సంక్రాంతికి ఓ సినిమాను ప్రేక్షకుల ముందుకు తీసుకురావాలని లక్ష్యంగా పెట్టుకున్నట్లు చెప్పారు. వీటితో పాటు బాలీవుడ్‌లో అక్షయ్ కుమార్, సల్మాన్ ఖాన్‌లతో రూపొందిస్తున్న సినిమాల Release Dates కూడా ప్రకటించారు. వరుస ప్రాజెక్టులతో టాలీవుడ్‌తో పాటు బాలీవుడ్‌లోనూ తన మార్క్ చూపించేందుకు దిల్ రాజు సిద్ధమవుతున్నారు.
