జైలర్ 2.. వెయ్యి కోట్ల వేట!

భారతీయ సినీ పరిశ్రమలో ఇప్పుడు వెయ్యి కోట్ల వసూళ్లే అసలైన బాక్సాఫీస్(Box Office) బెంచ్‌మార్క్‌గా మారాయి. ఇప్పటికే తెలుగు, హిందీ, కన్నడ చిత్రాలు ఈ అరుదైన మైలురాయిని అందుకోగా.. తమిళ సినిమా మాత్రం ఆ ఘనత కోసం ఎదురుచూస్తోంది. ఈ లోటును సూపర్‌స్టార్ రజనీకాంత్ ‘జైలర్ 2’(Jailer 2) భర్తీ చేస్తుందా? ప్రస్తుతం కోలీవుడ్‌లో ఇదే హాట్ టాపిక్‌గా మారింది.

సన్ పిక్చర్స్ నిర్మాణంలో తెరకెక్కిన ఈ చిత్రంపై భారీ అంచనాలు నెలకొన్నాయి. బాక్సాఫీస్ వద్ద విడుదలైన తొలి వారంలోనే సుమారు రూ.600 కోట్ల వసూళ్లు సాధించినట్లు ప్రచారం జరుగుతోంది. ఇదే జోరు కొనసాగితే వెయ్యి కోట్ల మార్కును అందుకోవడం అసాధ్యమేమీ కాదనే అంచనాలు వ్యక్తమవుతున్నాయి.

రజనీకాంత్‌కు ఉన్న క్రేజ్, సినిమాపై నెలకొన్న హైప్, ప్రేక్షకుల స్పందన ఈ చిత్ర వసూళ్లకు మరింత ఊతమిస్తాయని అభిమానులు ఆశిస్తున్నారు. అదే జరిగితే, వెయ్యి కోట్ల క్లబ్‌లో అడుగుపెట్టిన తొలి తమిళ చిత్రంగా ‘జైలర్ 2’ చరిత్ర సృష్టించే అవకాశం ఉంది. అయితే, ఈ భారీ వసూళ్ల అంచనాలు నిజమవుతాయా? తమిళ బాక్సాఫీస్‌కు తలైవా కొత్త చరిత్ర రాస్తారా? అన్నది తెలియాలంటే అధికారిక వసూళ్ల వివరాలపై స్పష్టత వచ్చే వరకు వేచి చూడాల్సిందే.