దసరాకు సొంతూరికి సీఎం రేవంత్

కొండారెడ్డి పల్లిలో అభివృద్ధి కార్యక్రమాలు!

హైదరాబాద్: తెలంగాణ ముఖ్యమంత్రి రేవంత్ రెడ్డి(CM Revanth Reddy) రేపు నాగర్ కర్నూల్ జిల్లాలోని తన సొంతూరు కొండారెడ్డి పల్లిలో పర్యటించనున్నారు. దసరా పండుగ(asara ) వేడుకల్లో పాల్గొనేందుకు ఆయన గ్రామానికి వెళ్లనున్నారు. ఈ పర్యటనలో భాగంగా పలు అభివృద్ధి కార్యక్రమాలను ప్రారంభించడంతో పాటు కొత్త ప్రాజెక్టులకు శంకుస్థాపనలు చేయనున్నారు.

పలు అభివృద్ధి పనులకు శ్రీకారం

కొండారెడ్డి పల్లిలో భూగర్భ మురుగునీటి శుద్ధి కేంద్రం(Underground Sewage Treatment Plant), ప్రాథమిక ఆరోగ్య కేంద్రం (పీహెచ్‌సీ)ను సీఎం ప్రారంభించనున్నారు. అలాగే మూడు ఏటీసీ కేంద్రాల నిర్మాణానికి శంకుస్థాపన చేయనున్నారు. దసరా వేడుకల సందర్భంగా సొంతూరికి వస్తున్న ముఖ్యమంత్రి పర్యటనపై స్థానికంగా ఆసక్తి నెలకొంది. గ్రామంలో చేపడుతున్న అభివృద్ధి కార్యక్రమాలు(Development programs), ప్రజలకు అందుబాటులోకి రానున్న మౌలిక సదుపాయాలపై ఈ పర్యటనలో ప్రాధాన్యం ఉండనుంది. సీఎం పర్యటనకు సంబంధించిన పూర్తి షెడ్యూల్, కార్యక్రమాల సమయాలు అధికారికంగా వెల్లడైన వివరాల ఆధారంగా మరింత స్పష్టత రానుంది.