హఫీజ్‌పేటలో భారీ అగ్నిప్రమాదం

పెయింటింగ్ షాపులో భారీ అగ్నిప్రమాదం.. తప్పిన ప్రాణనష్టం!

హైదరాబాద్: నగరంలోని హఫీజ్‌పేటలో(Hafizpet Paint Shop) ఒక్కసారిగా అగ్నిప్రమాదం చోటుచేసుకుంది. ఓ పెయింటింగ్ దుకాణంలో మంటలు చెలరేగి స్థానికంగా కలకలం సృష్టించాయి. షాపులో నుంచి దట్టమైన పొగ, మంటలు బయటకు రావడంతో పరిసర ప్రాంతాల ప్రజలు ఆందోళనకు గురయ్యారు. సమాచారం అందుకున్న Fire Department సిబ్బంది వెంటనే రెండు ఫైరింజన్లతో ఘటనాస్థలానికి చేరుకున్నారు.

మంటలు ఇతర ప్రాంతాలకు వ్యాపించకుండా ప్రత్యేక చర్యలు చేపట్టి తీవ్రంగా శ్రమించి వాటిని అదుపులోకి తీసుకొచ్చారు. Fire Fighting Operation చేపట్టడంతో ప్రమాద తీవ్రత మరింత పెరగకుండా అడ్డుకున్నారు. అదృష్టవశాత్తూ అగ్నిప్రమాదం జరిగిన సమయంలో దుకాణంలో ఎవరూ లేకపోవడంతో ప్రాణనష్టం తప్పింది. అయితే మంటల కారణంగా షాపులోని వస్తువులు దెబ్బతిని ఆస్తినష్టం జరిగినట్లు ప్రాథమికంగా అంచనా వేస్తున్నారు. అగ్నిప్రమాదానికి గల అసలు కారణాలు తెలియాల్సి ఉంది.