గజ్వేల్‌లో అలాయ్ బలాయ్ ఆత్మీయ సమ్మేళనం పోస్టర్ ఆవిష్కరణ
పార్టీలకు అతీతంగా నియోజకవర్గ ప్రజలంతా పాల్గొనాలి
గజ్వేల్, అక్టోబర్ 23: దసరా పండుగను(Dasara Festival) పురస్కరించుకుని గజ్వేల్‌లో(Gajwel) తొలిసారిగా నిర్వహించనున్న అలాయ్ బలాయ్ దసరా ఆత్మీయ సమ్మేళనాన్ని(Alai Balai – A Dussehra Get-Together) విజయవంతం చేయాలని కమిటీ సభ్యులు పిలుపునిచ్చారు. శుక్రవారం గజ్వేల్ పట్టణంలోని అంబేద్కర్ విగ్రహం వద్ద సమ్మేళనానికి సంబంధించిన పోస్టర్‌ను ఆవిష్కరించారు.
ఈ సందర్భంగా కమిటీ సభ్యులు పొన్నాల కుమార్, నీరుడి స్వామి, బాకీ స్వామి ముదిరాజ్, సంఘపు కన్న యాదవ్, కొడకండ్ల నర్సింలు మాట్లాడుతూ.. ఈ నెల 25వ తేదీ ఆదివారం తూప్రాన్ రోడ్డులోని టీ. లక్ష్మణ్ గార్డెన్‌లో ఉదయం నుంచి సాయంత్రం వరకు అలాయ్ బలాయ్ ఆత్మీయ సమ్మేళనం నిర్వహించనున్నట్లు తెలిపారు.
పార్టీలకు అతీతంగా గజ్వేల్ నియోజకవర్గ ప్రజలందరూ ఈ కార్యక్రమంలో పాల్గొని ఐక్యత, సోదరభావాన్ని చాటాలని కోరారు. గజ్వేల్‌లో తొలిసారిగా నిర్వహిస్తున్న ఈ సమ్మేళనానికి ప్రజా సంఘాలు, ఉద్యోగ సంఘాలు, అన్ని రాజకీయ పార్టీల నాయకులు, కార్యకర్తలు సహకరించి విజయవంతం చేయాలని విజ్ఞప్తి చేశారు. పోస్టర్ ఆవిష్కరణ కార్యక్రమంలో ప్రజా సంఘాలు, ఉద్యోగ సంఘాల ప్రతినిధులు, వివిధ రాజకీయ పార్టీల నాయకులు, కమిటీ సభ్యులు పాల్గొన్నారు.
