చిన్నారులకు పోలియో చుక్కలు వేయించిన కౌన్సిలర్
నారాయణఖేడ్, నవంబర్ 22 (విజయక్రాంతి): పోలియో రహిత సమాజ (Polio Free Society) నిర్మాణమే ప్రభుత్వ లక్ష్యమని నారాయణఖేడ్ మున్సిపల్ కౌన్సిలర్ బాణపురం రాజు ముదిరాజ్ అన్నారు. ఆదివారం నారాయణఖేడ్ పట్టణంలోని రాజు చౌక్లో నిర్వహించిన పోలియో చుక్కల కార్యక్రమంలో ఆయన పాల్గొని మాట్లాడారు.
చిన్నారులకు రెండు చుక్కల నోటి ద్వారా ఇచ్చే పోలియో టీకా (Oral Polio Vaccine) అందించి కార్యక్రమాన్ని ప్రారంభించారు. ఐదేళ్లలోపు చిన్నారులందరికీ పోలియో చుక్కలు (Polio Drops) వేయించాలని సూచించారు. ప్రతి ఒక్కరూ ఈ అవకాశాన్ని సద్వినియోగం చేసుకోవాలని కోరారు. కార్యక్రమంలో స్థానిక వైద్య సిబ్బంది జెట్ల భాస్కర్, కాంగ్రెస్ పార్టీ నాయకులు తదితరులు పాల్గొన్నారు.