'శాంక్షనింగ్ రష్యా అండ్ ఇరాన్' బిల్లుపై ట్రంప్ సంతకం?

రష్యాపై ఆంక్షల బిల్లుపై సంతకం చేయనున్న ట్రంప్

ప్రపంచ ఇంధన మార్కెట్ పై తీవ్ర ప్రభావం

రష్యానుంచి ఇంధనం కొనుగోలు చేసే దేశాలపై బిల్లు ప్రభావం

వాషింగ్టన్: 'శాంక్షనింగ్ రష్యా అండ్ ఇరాన్'బిల్లుపై అమెరికా అధ్యక్షుడు డొనాల్డ్ ట్రంప్(US President Donald Trump) సంతకం పెట్టనున్నారు. రష్యా ఇంధన, రక్షణ రంగాలపై ఆంక్షల విధింపునకు ట్రంప్ ఈ బిల్లును తీసుకురానున్నారు. శాంక్షనింగ్ రష్యా అండ్ ఇరాన్ బిల్లుకు(Sanctioning Russia and Iran Act) ఇప్పటికే ప్రతినిధుల సభ, సెనేట్ ఆమోదించింది. రష్యా నుంచి ఇంధనం కొనుగోలు చేసే దేశాలపై బిల్లు ప్రభావం పడనుంది. భారత్, చైనాలపై ట్రంప్  100 శాతం సుంకాలు విధించే అవకాశముందని విశ్లేషకులు అంచనా వేస్తున్నారు. 

ఈ చట్టం భారత్-అమెరికా సంబంధాలపై(India-US Relations), ప్రపంచ ఇంధన మార్కెట్లపై ప్రభావం చూపవచ్చని న్యూఢిల్లీ హెచ్చరించింది. పరిణామాలను భారత్ నిశితంగా గమనిస్తోందని, తన 140 కోట్ల మంది ప్రజలకు ఇంధన భద్రతను కల్పించేందుకు కట్టుబడి ఉందని విదేశీ వ్యవహారాల శాఖ(Ministry of External Affairs) తెలిపింది. "తన 140 కోట్ల మంది ప్రజలకు ఇంధన భద్రతను కల్పించే విషయంలో భారత్ దృఢమైన నిబద్ధతతో ఉంది," అని ఆ మంత్రిత్వ శాఖ పేర్కొంది. 

భారత్ ఆందోళన

మారుతున్న మార్కెట్ పరిస్థితులకు(Market conditions) అనుగుణంగా వివిధ సరఫరాదారుల నుంచి ఇంధనాన్ని సేకరించడాన్ని భారత్ కొనసాగిస్తుందని స్పష్టం చేసింది. ఈ అంశంపై ఇటీవలి నెలల్లో అమెరికా ఉన్నతాధికారులతో చర్చలు జరిపినట్లు కూడా విదేశీ వ్యవహారాల శాఖ (MEA) తెలిపింది. ద్వైపాక్షిక సంబంధాలు, అంతర్జాతీయ ఇంధన మార్కెట్లపై ఆ చట్టం వల్ల కలిగే ప్రభావం గురించి భారత్ ఆందోళన వ్యక్తం చేసింది. తమ వాణిజ్య, ఆర్థిక ప్రయోజనాలను పరిరక్షించుకోవడానికి అవసరమైన అన్ని చర్యలూ తీసుకుంటామని న్యూఢిల్లీ పేర్కొంది.

భారత్‌కు రష్యా చమురు ఎందుకు కీలకం?

గ్లోబల్ ట్రేడ్ రీసెర్చ్ ఇనిషియేటివ్ పేర్కొన్న గణాంకాల ప్రకారం, భారతదేశం తాను వినియోగించే ముడి చమురులో 88 శాతానికి పైగా దిగుమతి చేసుకుంటోంది. రష్యా-ఉక్రెయిన్ యుద్ధం(Russia-Ukraine War) ప్రపంచ ఇంధన వాణిజ్యాన్ని మార్చివేసినప్పటి నుండి, భారత చమురు సరఫరాలో రష్యా ముడి చమురు కీలక భాగంగా మారింది. ధర, లభ్యత, మార్కెట్ పరిస్థితులు వంటి అంశాల ఆధారంగా భారతీయ రిఫైనర్లు రష్యా చమురును కొనుగోలు చేయడం కొనసాగిస్తున్నాయి.