ఏపీ రాజకీయాల్లో విషాదం.. మాజీ మంత్రి కన్నుమూత

అమరావతి: ఆంధ్రప్రదేశ్ రాజకీయాల్లో శత్రుచర్ల విజయరామరాజు పేరు ప్రత్యేక గుర్తింపు పొందింది. విజయనగరం జిల్లా చినమెరంగికి చెందిన ఆయన 1948 ఆగస్టు 4న జన్మించారు. 1978లో తొలిసారి ఎమ్మెల్యేగా ఎన్నికై రాజకీయ ప్రస్థానాన్ని ప్రారంభించారు.

సుదీర్ఘ రాజకీయ జీవితంలో ఐదుసార్లు శాసనసభకు ఎన్నికై ప్రజాప్రతినిధిగా సేవలందించారు. పార్వతీపురం లోక్‌సభ నియోజకవర్గం నుంచి మూడుసార్లు ఎంపీగా విజయం సాధించి జాతీయ రాజకీయాల్లోనూ తనదైన ముద్ర వేశారు.

వైఎస్ రాజశేఖర్ రెడ్డి ప్రభుత్వంలో అటవీశాఖ మంత్రిగా బాధ్యతలు నిర్వర్తించారు. అనంతరం కాంగ్రెస్ రాజకీయాల నుంచి తెలుగుదేశం పార్టీలో చేరారు. 2017లో టీడీపీ తరఫున శ్రీకాకుళం స్థానిక సంస్థల నియోజకవర్గం నుంచి ఎమ్మెల్సీగా ఎన్నికయ్యారు. ఎమ్మెల్యే, ఎంపీ, మంత్రి, ఎమ్మెల్సీ వంటి పలు పదవుల్లో పనిచేసిన ఆయన రాజకీయ ప్రస్థానం ఉత్తరాంధ్ర రాజకీయాల్లో ప్రాధాన్యత సంతరించుకుంది.