అమ్మవారిని దర్శించుకున్న విజయ్, రష్మిక

అమ్మవారి సన్నిధిలో విజయ్ దేవరకొండ, రష్మిక.. ప్రత్యేక దర్శనం

శ్రీ మహాలక్ష్మీదేవి(Mahalakshmi Temple) ఆశీస్సుల కోసం సినీ జంట విజయ్ దేవరకొండ, రష్మిక(Vijay Deverakonda, Rashmika) ఆలయాన్ని సందర్శించారు. శనివారం పార్లమెంట్ సభ్యుడు కేశినేని శివనాథ్ (MP Kesineni Shivnath), ఆలయ చైర్మన్ బొర్రా రాధాకృష్ణతో కలిసి అమ్మవారిని దర్శించుకున్నారు. దర్శనం అనంతరం వేద పండితుల ఆశీర్వచనం స్వీకరించారు. అనంతరం మీడియాతో మాట్లాడిన విజయ్ దేవరకొండ, రష్మిక.. అమ్మవారి ఆశీస్సులు అందరిపై సమృద్ధిగా ఉండాలని ఆకాంక్షించారు. సినీ ప్రముఖుల ఆలయ సందర్శనతో అక్కడ సందడి నెలకొంది. విజయ్ దేవరకొండ, రష్మిక అమ్మవారి దర్శనం చేసుకున్న వార్త సినీ అభిమానుల్లో ఆసక్తిని రేకెత్తిస్తోంది.