నక్సల్స్ ఆయుధాల డంప్లో 280 గ్రెనేడ్ లాంచర్లు
ఛత్తీస్గఢ్: ఛత్తీస్గఢ్లోని బీజాపూర్ జిల్లాలో భారీ నక్సల్స్ ఆయుధాల డంప్ (Weapons Dump) బయటపడింది. తెలంగాణ పోలీసులు చేపట్టిన ప్రత్యేక ఆపరేషన్లో పూజారి కాంకేర్ సమీపంలోని కర్రెగుట్టల అటవీ ప్రాంతంలో భారీగా ఆయుధ నిల్వలను గుర్తించారు. ఇందులో ఏకంగా 280 బ్యారెల్ గ్రెనేడ్ లాంచర్లు (Grenade Launchers) ఉన్నట్లు సమాచారం. ఈ పరిణామం భద్రతా వర్గాల్లో తీవ్ర కలకలం రేపింది.
కర్రెగుట్టల అటవీ ప్రాంతంలో మావోయిస్టులు రహస్యంగా దాచినట్లు భావిస్తున్న ఈ భారీ డంప్ను పోలీసులు గుర్తించారు. ఆయుధాల నిల్వలు ఉన్నాయన్న ముందస్తు సమాచారంతో భద్రతా బలగాలు (Security Forces) తనిఖీలు చేపట్టగా ఈ వ్యవహారం వెలుగులోకి వచ్చినట్లు తెలుస్తోంది.భారీ సంఖ్యలో గ్రెనేడ్ లాంచర్లు బయటపడటంతో పోలీసులు అప్రమత్తమయ్యారు. డంప్లో ఇంకా ఎలాంటి ఆయుధాలు ఉన్నాయి? వీటిని ఎక్కడి నుంచి తీసుకొచ్చారు? నిల్వల వెనుక ఎవరున్నారు? అనే కోణాల్లో అధికారులు దర్యాప్తు చేస్తున్నారు.
బీజాపూర్ జిల్లా మావోయిస్టు ప్రభావిత ప్రాంతాల్లో ఒకటి కావడంతో కర్రెగుట్టల అడవుల్లో భారీ ఆయుధాల నిల్వలు బయటపడటం ప్రాధాన్యం సంతరించుకుంది. అయితే స్వాధీనం చేసుకున్న ఆయుధాల పూర్తి వివరాలు, డంప్కు సంబంధించిన అధికారిక ప్రకటన (Official Statement) వెలువడాల్సి ఉంది.