బజాజ్ అసెట్ మేనేజ్మెంట్కు మూడేళ్లు పూర్తి
ముంబై, సెప్టెంబర్ 8, 2026: బజాజ్ అసెట్ మేనేజ్మెంట్ లిమిటెడ్(Bajaj Asset Management Limited) (గతంలో బజాజ్ ఫిన్సర్వ్ అసెట్ మేనేజ్మెంట్ లిమిటెడ్గా పిలువబడేది) తన "మెగాట్రెండ్స్ ఇన్వెస్టింగ్" విధానానికి మూడేళ్లు పూర్తయిన సందర్భంగా, వార్షిక మార్కెట్ సింపోజియం 2026లో భారత్ వృద్ధి, సంపద సృష్టి తదుపరి దశను రూపొందించగల కీలక మార్పులపై చర్చించింది. ఈ సింపోజియం భారత్ ఆర్థిక స్థిరత్వం, పొదుపు పెట్టుబడులుగా మారుతున్న తీరు, మరియు టెక్నాలజీ, తయారీ, వినియోగం, ఇంధన రంగాల్లో దీర్ఘకాలిక అవకాశాలపై దృష్టి సారించింది.
బజాజ్ అసెట్ మేనేజ్మెంట్ లిమిటెడ్ మేనేజింగ్ డైరెక్టర్ గణేష్ మోహన్ సింపోజియంలో మాట్లాడుతూ, "నేడు భారత్ చాలా ఆసక్తికరమైన దశలో ఉంది. ఆర్థిక వ్యవస్థ స్థిరమైన వేగంతో వృద్ధి చెందుతోంది, వినియోగం బలంగా కొనసాగుతోంది, కంపెనీలు అంతర్జాతీయంగా మరింత పోటీతత్వం సాధిస్తున్నాయి. అదే సమయంలో, భారత్ తన వాణిజ్య సంబంధాలను వైవిధ్యపరుస్తూ, ప్రపంచ ఆర్థిక వ్యవస్థతో మరింత లోతుగా అనుసంధానమవుతోంది. వీటన్నింటినీ కలిపి చూస్తే, భారత్కు సంబంధించి బలమైన దీర్ఘకాలిక వృద్ధి గాథ రూపుదిద్దుకుంటోంది, దీంతో వివిధ రంగాల్లో అవకాశాలు ఏర్పడుతున్నాయి" అని అన్నారు.
సమీప భవిష్యత్తులో మార్కెట్ పరిస్థితులకు మెరుగుపడుతున్న క్రెడిట్ వృద్ధి (అంటే బ్యాంకుల రుణ కార్యకలాపాల్లో బలం), మెరుగుపడుతున్న మార్కెట్ సెంటిమెంట్ మద్దతునివ్వగలవు, దీనివల్ల ఇప్పటివరకు వెనుకబడిన మార్కెట్ విభాగాలు కూడా ముందుకు రాగలవు.భారత్లో సంపద సృష్టి తదుపరి దశ దీర్ఘకాలిక పెద్ద ధోరణుల (మెగాట్రెండ్స్) ద్వారా రూపుదిద్దుకోవచ్చని బజాజ్ అసెట్ మేనేజ్మెంట్ లిమిటెడ్ భావిస్తోంది.
వీటిలో టెక్నాలజీ, కృత్రిమ మేధస్సు, ఇంధన పరివర్తన, ఎలక్ట్రిక్ వాహనాలు , డేటా సెంటర్లు, సెమీకండక్టర్లు, తయారీ, ప్రీమియమైజేషన్ (అధిక నాణ్యత, ప్రీమియం ఉత్పత్తులకు పెరుగుతున్న డిమాండ్) మరియు వెల్నెస్ వంటి రంగాలు ఉన్నాయి.బజాజ్ అసెట్ మేనేజ్మెంట్ లిమిటెడ్ చీఫ్ ఇన్వెస్ట్మెంట్ ఆఫీసర్ నిమేష్ చందన్ ఇలా అన్నారు, "భారత్ తదుపరి వృద్ధి దశ మూడు పరస్పర సంబంధిత మెగాట్రెండ్స్ ద్వారా రూపుదిద్దుకోనుంది — దేశీయ వినియోగం, కృత్రిమ మేధస్సు మరియు తయారీ. పెరుగుతున్న ఆదాయాలు, పట్టణీకరణ, అధికారిక ఆర్థిక వ్యవస్థ విస్తరణ, రుణానికి మెరుగైన అందుబాటు కారణంగా ఆర్థిక సేవలు, గృహనిర్మాణం, ప్రయాణం, ఆరోగ్య సంరక్షణ, ఐచ్ఛిక ఉత్పత్తులు మరియు డిజిటల్ సేవల్లో డిమాండ్ పెరుగుతోంది.
అదే సమయంలో, AI ప్రభావం కేవలం టెక్నాలజీ కంపెనీలకే పరిమితం కాదు. దీన్ని అందిపుచ్చుకోవడం వల్ల ఉత్పాదకత, నిర్ణయాలు తీసుకునే సామర్థ్యం, కస్టమర్ అనుభవం, కార్యాచరణ సామర్థ్యం మెరుగుపడతాయి. ఇది డేటా సెంటర్లు, విద్యుత్ మౌలిక సదుపాయాలు, సెమీకండక్టర్లు, ఆటోమేషన్, ఫిజికల్ AI మరియు రోబోటిక్స్కు డిమాండ్ను కూడా పెంచుతుంది.
