ఆటపాటలతో అలరించిన ఫ్రెషర్స్ పార్టీ

తలమడుగు సెప్టెంబర్ 29 (విజయక్రాంతి): తలమడుగు(Talmadugu) మండల కేంద్రంలోని ప్రభుత్వ జూనియర్ కళాశాలలో ద్వితీయ సంవత్సరం విద్యార్థులు ప్రథమ సంవత్సరం విద్యార్థులకు ఫ్రెషర్స్ పార్టీ నిర్వహించారు. విద్యార్థుల నృత్యాలు, ఆటపాటలు ఆకట్టుకున్నాయి. ఈ సందర్భంగా సర్పంచ్ రాజన్న మాట్లాడుతూ.. ప్రభుత్వ కళాశాలలో మెరుగైన సౌకర్యాలు కల్పిస్తున్నామని, తల్లిదండ్రులు తమ పిల్లలను ప్రభుత్వ కళాశాలలో చేర్పించాలని సూచించారు. అనంతరం విద్యార్థులకు యూనిఫాంలు, బ్యాగులు అందజేశారు. కార్యక్రమంలో ప్రిన్సిపాల్ సూరజ్‌సింగ్, అధ్యాపకులు, పంచాయతీ సిబ్బంది, విద్యార్థులు పాల్గొన్నారు.