ఇంట్లోనే నేచురల్ ఫేస్ ప్యాక్

ముఖ సంరక్షణలో భాగంగా వేపాకులు, పసుపుతో సహజమైన ఫేస్ ప్యాక్‌(Face pack)ను ఇంట్లోనే తయారు చేసుకోవచ్చు. ఇందుకోసం 5–7 తాజా వేపాకులను తీసుకుని శుభ్రంగా కడిగి మెత్తగా రుబ్బుకోవాలి. అందులో చిటికెడు పసుపు కలిపి, అవసరాన్ని బట్టి ఒకటి లేదా రెండు చెంచాల నీరు లేదా పెరుగు వేసి పలుచని పేస్ట్‌లా తయారు చేసుకోవాలి.

తయారైన ప్యాక్‌ను ముఖంపై పలుచగా రాసుకుని 10–15 నిమిషాల పాటు ఉంచి, అనంతరం సాధారణ నీటితో కడుక్కోవచ్చు. వారానికి ఒకటి లేదా రెండుసార్లు ఉపయోగించడం సరిపోతుంది.అయితే వేపాకు లేదా పసుపు వల్ల కొందరికి చర్మంపై అలర్జీ, మంట లేదా ఇతర ప్రతిచర్యలు వచ్చే అవకాశం ఉండటంతో ముందుగా చేతిపై చిన్న భాగంలో ప్యాచ్ టెస్ట్ చేసుకోవడం మంచిది. కళ్ల చుట్టుపక్కల, గాయాలు లేదా దెబ్బతిన్న చర్మంపై ఈ ప్యాక్‌ను రాయకూడదు.