చొరబడే ప్లాన్‌ ఫెయిల్‌.. పాక్‌ ఉగ్రవాదులు మృతి
న్యూఢిల్లీ: జమ్మూకశ్మీర్‌లోని నియంత్రణ రేఖ (LoC) వద్ద భద్రతా పరిస్థితులు ఒక్కసారిగా ఉద్రిక్తంగా మారాయి. పూంచ్‌ జిల్లాలోని కృష్ణ ఘాటి సెక్టార్‌లో భారత్‌లోకి చొరబడేందుకు ప్రయత్నించినట్లు అనుమానిస్తున్న నలుగురు పాకిస్థానీ ఉగ్రవాదులు Landmine Blastలో మరణించారు. మృతుల్లో Lashkar-e-Taiba (LeT)కు చెందిన సీనియర్‌ కమాండర్‌ కూడా ఉన్నట్లు అధికారులు వెల్లడించారు. ఈ ఘటనతో అప్రమత్తమైన Security Forces సరిహద్దు ప్రాంతాల్లో నిఘాను మరింత కట్టుదిట్టం చేశాయి.
చొరబాటుకు యత్నిస్తుండగా పేలుడు?
అధికారుల సమాచారం ప్రకారం.. సోమవారం పూంచ్‌ జిల్లాలోని కృష్ణ ఘాటి సెక్టార్‌లో ఉన్న సత్వాల్‌-నాకి ప్రాంతంలో ఈ పేలుడు సంభవించింది. పాకిస్థాన్‌ వైపు నుంచి ఓ బృందం భారత భూభాగంలోకి ప్రవేశించేందుకు ప్రయత్నించినట్లు అనుమానిస్తున్నారు. ఈ క్రమంలో Improvised Explosive Device (IED) పేలడంతో నలుగురు ప్రాణాలు కోల్పోయారు. అయితే పేలుడుకు దారితీసిన పూర్తి పరిస్థితులు ఇంకా స్పష్టంగా తెలియలేదని అధికారులు పేర్కొన్నారు.
మృతుల్లో LeT సీనియర్‌ కమాండర్‌
ఈ ఘటనలో మరణించిన వారిని మహమ్మద్‌ ఇష్తియాక్‌, మహమ్మద్‌ ఫైజాన్‌, మహమ్మద్‌ వఖాస్‌, మహమ్మద్‌ ఆసిమ్‌గా గుర్తించారు. వీరిలో ఫైజాన్‌ Lashkar-e-Taiba ఉగ్రవాద సంస్థకు చెందిన సీనియర్‌ కమాండర్‌గా గుర్తించినట్లు అధికారులు తెలిపారు. వీరంతా పాక్‌ ఆక్రమిత కశ్మీర్‌ (PoK)లోని హజీరా తహసీల్‌ పరిధిలోని మండ్లా, మదర్‌పూర్‌ ప్రాంతాలకు చెందినవారని సమాచారం. సత్వాల్‌-నాకి ప్రాంతం ఉగ్రవాదుల చొరబాటుకు ఉపయోగించే మార్గాల్లో ఒకటిగా పరిగణిస్తారు. గతంలోనూ ఈ ప్రాంతం నుంచి భారత భూభాగంలోకి ప్రవేశించేందుకు ప్రయత్నాలు జరిగినట్లు భద్రతా వర్గాలు గుర్తుచేశాయి. ఇదే సెక్టార్‌లో గతంలో పాకిస్థాన్‌ Border Action Team (BAT)కు చెందిన ఆరుగురు నుంచి ఏడుగురు సభ్యులు ఇలాంటి ఘటనలో మరణించినట్లు అధికారులు పేర్కొన్నారు. తాజా పేలుడు అనంతరం సరిహద్దు ప్రాంతాల్లో Alert ప్రకటించి, నిఘా వ్యవస్థను మరింత బలోపేతం చేశారు. ఎలాంటి Security Breach జరగకుండా భద్రతా సిబ్బంది పరిస్థితిని సమీక్షిస్తున్నారు.
సరిహద్దు కంచె వద్ద మరో రెండు ల్యాండ్‌మైన్లు
ఇదిలా ఉండగా, మెంధర్‌ సెక్టార్‌లోని బసోని ప్రాంతంలో సరిహద్దు కంచె సమీపంలో మరో రెండు పాత Landminesను ఆర్మీ సిబ్బంది గుర్తించారు. Track Construction పనులు జరుగుతున్న సమయంలో ఉదయం 8.25 గంటలకు ఒకటి, మధ్యాహ్నం 12.10 గంటలకు మరొకటి కనిపించినట్లు అధికారులు తెలిపారు. ఆర్మీ పేలుడు పదార్థాల నిపుణులు ఈ రెండు మందుపాతరలను Controlled Explosions ద్వారా నిర్వీర్యం చేశారు. LoC సమీపంలోని ముందస్తు రక్షణ ప్రాంతాల్లో చొరబాట్లను అడ్డుకునేందుకు Landminesను ఏర్పాటు చేస్తుంటారు. అయితే భారీ వర్షాల కారణంగా నేలలోని మందుపాతరలు స్థానభ్రంశం చెంది బయటపడే ప్రమాదం ఉందని అధికారులు హెచ్చరిస్తున్నారు. వరుస ఘటనల నేపథ్యంలో పూంచ్‌, మెంధర్‌ సెక్టార్లలో భద్రతా ఏర్పాట్లపై దృష్టి సారించారు. సరిహద్దు వెంబడి నిఘా పెంచి, అనుమానాస్పద కదలికలపై భద్రతా బలగాలు అప్రమత్తంగా వ్యవహరిస్తున్నాయి.
