బతుకమ్మ వేళ అభివృద్ధికి శ్రీకారం!
మల్లచెరువు కట్టపై సీసీ రోడ్ల పనులకు కొబ్బరికాయ కొట్టి ప్రారంభించిన కౌన్సిలర్ గజవాడ నాగరాజు.
రామాయంపేట, అక్టోబర్ 3 (విజయ క్రాంతి): బతుకమ్మ పండుగ(Bathukamma Festival) వేళ రామాయంపేట మున్సిపాలిటీలో(Ramayampet Municipality) అభివృద్ధి పనులకు మరో అడుగు పడింది. ప్రజలకు మెరుగైన రహదారి సౌకర్యం కల్పించాలనే లక్ష్యంతో మల్లచెరువు కట్టపై(Mallacheruvu Bund) సీసీ రోడ్ల నిర్మాణ పనులకు(CC road construction works) శనివారం మున్సిపల్ కౌన్సిలర్ గజవాడ నాగరాజు కొబ్బరికాయ కొట్టి శ్రీకారం చుట్టారు. మెదక్ ఎమ్మెల్యే మైనంపల్లి రోహిత్ రావు ఆదేశాల మేరకు ఈ పనులను ప్రారంభించినట్లు తెలిపారు.
ఈ సందర్భంగా నాగరాజు మాట్లాడుతూ.. మున్సిపాలిటీ పరిధిలో ప్రజలకు అవసరమైన మౌలిక వసతుల కల్పనకు ప్రాధాన్యత ఇస్తున్నామని తెలిపారు. ముఖ్యంగా రహదారుల అభివృద్ధితో ప్రజలకు రాకపోకలు మరింత సులభతరం అవుతాయని పేర్కొన్నారు. పండుగ సమయంలో అభివృద్ధి పనులకు శ్రీకారం చుట్టడం సంతోషంగా ఉందన్నారు.
మున్సిపల్ కమిషనర్ రవీందర్, కౌన్సిలర్లు పుట్టి సందీప్, డాకి శ్యామల స్వామి, కోఆప్షన్ మెంబర్ చింతల రాధాభవాని యాదగిరి, బ్లాక్ కాంగ్రెస్ నాయకుడు రమేష్ రెడ్డి, మాజీ కౌన్సిలర్ అనిల్, కాంగ్రెస్ పార్టీ నాయకులు మట్టి యాదగిరి తదితరులు పాల్గొన్నారు.
అలాగే యువ నాయకులు భాను, సాయి, సుధీర్, నరేందర్, నాగేంద్ర, సోయల్ తదితరులు కార్యక్రమంలో పాల్గొని అభివృద్ధి పనుల ప్రారంభానికి తమ మద్దతు తెలిపారు.
