నగర అభివృద్ధికి పెద్దపీట
మహబూబ్‌నగర్ (విజయ క్రాంతి): నగరాన్ని అన్ని రంగాల్లో ఆదర్శవంతంగా డెవలప్ (Develop) చేయడమే ప్రజా ప్రభుత్వ లక్ష్యమని ప్రభుత్వ విప్, మహబూబ్‌నగర్ ఎమ్మెల్యే యెన్నం శ్రీనివాస్ రెడ్డి అన్నారు. నగరంలోని 4వ డివిజన్ అంబటిపల్లిలో యూఐడీఎఫ్ నిధులు రూ.50 లక్షలతో చేపట్టనున్న వీడీసీసీ రోడ్డు నిర్మాణ పనులకు శంకుస్థాపన (Foundation Stone) చేశారు. ఈ సందర్భంగా ఎమ్మెల్యే మాట్లాడుతూ నగర ప్రజలకు మెరుగైన బేసిక్ ఇన్‌ఫ్రాస్ట్రక్చర్ (Basic Infrastructure) కల్పించేందుకు ప్రభుత్వం ప్రాధాన్యత ఇస్తోందన్నారు. అంబటిపల్లి ప్రజల చిరకాల డిమాండ్‌ను గుర్తించి క్వాలిటీ స్టాండర్డ్స్ (Quality Standards)తో రోడ్డు నిర్మాణ పనులు చేపడుతున్నట్లు పేర్కొన్నారు.
పనుల్లో నాణ్యత లోపాలు లేకుండా అధికారులు మానిటరింగ్ (Monitoring) చేయాలని, నిర్ణీత గడువులోగా పనులు పూర్తి చేసి ప్రజలకు అందుబాటులోకి తీసుకురావాలని ఆదేశించారు. రోడ్డు నిర్మాణ పనులు పూర్తయిన తర్వాత స్థానిక ప్రజలకు మెరుగైన ట్రాన్స్‌పోర్ట్ ఫెసిలిటీ (Transport Facility) అందుబాటులోకి వస్తుందన్నారు.ఈ కార్యక్రమంలో మేయర్ గుమ్మాల మమత శ్రీనివాస్, ముడా చైర్మన్ లక్ష్మణ్ యాదవ్, జిల్లా గ్రంథాలయ సంస్థ చైర్మన్ మల్లు నర్సింహారెడ్డి, కాంగ్రెస్ నాయకులు సిరాజ్ ఖాద్రీ, కార్పొరేటర్ అనుప ఆంజనేయులు, సిరిగిరి మురళి, కాలనీవాసులు పాల్గొన్నారు.
