బస్ ఛార్జీల పెంపు.. ఎంత పెరుగుతాయో తెలుసా?

మహిళలకు ఫ్రీ జర్నీ.. పురుషుల ప్రయాణం తగ్గిందా? బస్ ఛార్జీల పెంపుపై మంత్రి కీలక వ్యాఖ్యలు

బెంగళూరు: కర్ణాటకలో ప్రభుత్వ బస్సుల్లో ప్రయాణించే వారికి మరోసారి ధరల భారం తప్పేలా లేదు. రాష్ట్రంలోని నాలుగు ప్రభుత్వ Road Transport Corporations (RTC) బస్సుల టికెట్ ధరలను నవంబర్ 5 నుంచి పెంచాలని కాంగ్రెస్ ప్రభుత్వం నిర్ణయించింది. ఈ విషయాన్ని రవాణా శాఖ మంత్రి బైరతి సురేశ్ ప్రకటించారు. అయితే ఎంత శాతం లేదా ఎంత మొత్తంలో చార్జీలు పెంచాలనే దానిపై ఇంకా స్పష్టత ఇవ్వలేదు.

రూ.9 వేల కోట్ల నష్టాల్లో ఆర్టీసీలు

రాష్ట్రంలోని నాలుగు ప్రభుత్వ రవాణా సంస్థలు కలిపి దాదాపు రూ.9,000 కోట్ల ఆర్థిక నష్టాల్లో ఉన్నాయని మంత్రి వెల్లడించారు. సంస్థల నిర్వహణ ఖర్చులు పెరగడం, డీజిల్ ధరల పెరుగుదల ఆదాయంపై ప్రభావం చూపుతున్నాయని వివరించారు. గత ఏడాది కాలంలో ఐదుసార్లు డీజిల్ ధరలు పెరగడంతో ఆర్టీసీలపై ఏటా సుమారు రూ.2,000 కోట్ల అదనపు భారం పడుతోందని పేర్కొన్నారు. ఈ పరిస్థితుల్లో టికెట్ ధరలను సవరించడం తప్పనిసరి అవుతోందని చెప్పారు.

నవంబర్ 4న కీలక సమావేశం.. ఎంత పెంపు అంటే?

బస్సు చార్జీల పెంపుపై తుది నిర్ణయం తీసుకునే ముందు నవంబర్ 4న RTC అధికారులతో ప్రత్యేక సమావేశం నిర్వహించనున్నట్లు మంత్రి తెలిపారు. ఈ భేటీలో సంస్థల ఆర్థిక పరిస్థితి, నిర్వహణ వ్యయాలు, ఆదాయ మార్గాలను సమీక్షించనున్నారు. ఆ తర్వాతే టికెట్ ధరలను ఎంతమేర పెంచాలనే అంశంపై Final Decision తీసుకుంటామని వెల్లడించారు. చార్జీల పెంపు అధికారాన్ని ముఖ్యమంత్రి రవాణా శాఖకు అప్పగించారని, గత వారం జరిగిన Cabinet సమావేశంలోనూ ఈ అంశంపై చర్చించామని వివరించారు.

శక్తి పథకం ప్రభావం కూడా ఉందన్న మంత్రి

మహిళలకు ప్రభుత్వ బస్సుల్లో ఉచిత ప్రయాణ సదుపాయం కల్పిస్తున్న ‘Shakti Scheme’ అమలు తర్వాత ప్రయాణికుల సంఖ్యలో మార్పులు వచ్చాయని మంత్రి పేర్కొన్నారు. గతంలో బస్సుల్లో పురుష ప్రయాణికుల వాటా 48 శాతంగా ఉండగా, ప్రస్తుతం అది 36 శాతానికి తగ్గిందని తెలిపారు. ఈ పరిణామం కూడా రవాణా సంస్థల ఆదాయంపై కొంత ప్రభావం చూపిందని వివరించారు. కర్ణాటకలో కాంగ్రెస్ ప్రభుత్వం అధికారంలోకి వచ్చిన తర్వాత ప్రభుత్వ బస్సు చార్జీలను పెంచడం ఇది రెండోసారి. తాజా పెంపు అమల్లోకి వస్తే రోజూ ఉద్యోగాలు, విద్య, ఇతర అవసరాల కోసం RTC బస్సులపై ఆధారపడే ప్రయాణికుల నెలవారీ ఖర్చులు పెరిగే అవకాశం ఉంది. అయితే కొత్త Ticket Rates ఎంత ఉంటాయనే దానిపై నవంబర్ 4 సమావేశం తర్వాత స్పష్టత రానుంది.