యువత కోసం ఏటీసీ సెంటర్
బోథ్, సెప్టెంబర్ 30 (విజయక్రాంతి): యువత ఆశయాలకు అనుగుణంగా నూతనంగా ఏటీసీ సెంటర్ (ATC Center) ఏర్పాటు చేయడం జరుగుతుందని శాసనసభ్యులు జాదవ్ అనిల్ పేర్కొన్నారు. మండలంలోని పోచ్చేర గ్రామంలో రూ.4 కోట్లతో ఏటీసీ సెంటర్ నిర్మాణానికి భూమి పూజ (Foundation Ceremony) నిర్వహించారు. అనంతరం ఆయన మాట్లాడుతూ ప్రతి విద్యార్థికి మెరుగైన వసతులు కల్పించేందుకు ఏటీసీ సెంటర్ ఏర్పాటు చేస్తున్నట్లు తెలిపారు. విద్య, ఉపాధి అవకాశాలకు (Employment Opportunities) మరింత మెరుగైన వసతులు కల్పించాలనే ఉద్దేశంతో ఈ సెంటర్ నిర్మాణం చేపడుతున్నట్లు పేర్కొన్నారు.
ఏటీసీ సెంటర్ ఏర్పాటు కోసం పట్టుబట్టి నిధులు మంజూరు చేయించడం జరిగిందన్నారు. యువతలోని ప్రతిభను మరింత అభివృద్ధి చేసేందుకు (Skill Development) ఈ సెంటర్ ఎంతగానో ఉపయోగపడుతుందని అన్నారు.ఇచ్చోడలో ఇంటిగ్రేటెడ్ పాఠశాల, నవోదయ పాఠశాల, డిగ్రీ కళాశాల ఏర్పాటు చేస్తున్నట్లు ఎమ్మెల్యే తెలిపారు. కార్యక్రమంలో స్థానిక సర్పంచ్తో పాటు మార్కెట్ కమిటీ చైర్మన్ మల్లెపూల సత్యనారాయణ, పలు గ్రామాల నాయకులు పాల్గొన్నారు.
