అమితాబ్ బచ్చన్ క్షమాపణ

ముంబై: బాలీవుడ్ మెగాస్టార్ అమితాబ్ బచ్చన్ (Amitabh Bachchan) ప్రస్తుతం ‘కౌన్ బనేగా కరోడ్‌పతి 18’తో(Amitabh Bachchan KBC 18) ప్రేక్షకులను అలరిస్తున్నారు. ఈ షోలో కేవలం ప్రశ్నలు, సమాధానాలకే పరిమితం కాకుండా తన వ్యక్తిగత జీవితానికి సంబంధించిన ఎన్నో ఆసక్తికర విషయాలను కూడా బిగ్ బీ పంచుకుంటున్నారు. తాజాగా ప్రసారమైన ప్రోమోలో ఆయన తన సొంత గ్రామం బాబూ పట్టీ(Amitabh Bachchan Village) గురించి మాట్లాడుతూ ఒక్కసారిగా భావోద్వేగానికి గురయ్యారు. ప్రతాప్‌గఢ్ జిల్లాలోని బాబూ పట్టీ అమితాబ్ బచ్చన్ కుటుంబానికి మూల గ్రామం. ఆయన తండ్రి, ప్రముఖ హిందీ కవి డాక్టర్ హరివంశ్‌రాయ్ బచ్చన్(Harivansh Rai Bachchan) కూడా ఈ ప్రాంతానికి చెందినవారే. అయితే ఈ గ్రామంతో తనకున్న అనుబంధాన్ని గుర్తు చేసుకున్న అమితాబ్.. అక్కడి పిల్లల కోసం చేపట్టిన Library Project ఇంకా పూర్తిగా అందుబాటులోకి రాకపోవడంపై గ్రామస్తులకు క్షమాపణలు చెప్పారు.

బాబూ పట్టీ పేరు వినగానే ఎమోషనల్..

‘KBC 18’లో చంద్ర ప్రకాశ్ తివారీ అనే కంటెస్టెంట్ పాల్గొన్నారు. ఆయనతో సంభాషణలో ప్రతాప్‌గఢ్ ప్రస్తావన రావడంతో బాబూ పట్టీ పేరు వినిపించింది. వెంటనే అమితాబ్ బచ్చన్ తన చిన్ననాటి జ్ఞాపకాలను గుర్తు చేసుకున్నారు. ఇది తన పూర్వీకుల జన్మభూమి అని చెబుతూ.. ఆ గ్రామంతో తన కుటుంబానికి ఉన్న అనుబంధాన్ని వివరించారు. తన భార్య జయా బచ్చన్తో(Jaya Bachchan Library) కలిసి గ్రామానికి వెళ్లిన సందర్భాన్ని కూడా బిగ్ బీ గుర్తు చేసుకున్నారు. అక్కడి చిన్నారులకు చదువుకోవడానికి సరైన సదుపాయాలు లేకపోవడాన్ని జయా గమనించారని, దీంతో గ్రామంలో ఒక Library ఏర్పాటు చేయాలని ఇద్దరూ నిర్ణయించుకున్నారని చెప్పారు.

లైబ్రరీ భవనం సిద్ధం.. కానీ సదుపాయాలే సమస్య

గ్రామంలో డాక్టర్ హరివంశ్‌రాయ్ బచ్చన్ స్మారక గ్రంథాలయం(Library) కోసం భవనం నిర్మాణం పూర్తయినప్పటికీ.. అవసరమైన సదుపాయాలు, పుస్తకాలు అందుబాటులోకి రాకపోవడంతో అది పూర్తిస్థాయిలో ప్రారంభం కాలేదని అమితాబ్ తెలిపారు. ఈ ఆలస్యంపై ఆయన తీవ్ర విచారం వ్యక్తం చేశారు. “బాబూ పట్టీ గ్రామస్తులందరికీ మనస్ఫూర్తిగా క్షమాపణలు చెబుతున్నాను” అంటూ KBC వేదికగా భావోద్వేగానికి గురయ్యారు.

“త్వరలోనే లైబ్రరీ ప్రారంభిస్తాం” అదే సమయంలో గ్రామస్తులకు అమితాబ్ బచ్చన్ ఒక కీలక హామీ ఇచ్చారు. ఎవరూ ఆందోళన చెందాల్సిన అవసరం లేదని.. లైబ్రరీ త్వరలోనే ప్రారంభమవుతుందని స్పష్టం చేశారు. భవనం సిద్ధంగా ఉందని, ఇక అవసరమైన పుస్తకాలు, ఇతర సామగ్రిని సమకూర్చి గ్రామంలోని పిల్లలు చదువుకునేలా సదుపాయాన్ని అందుబాటులోకి తీసుకొస్తామని తెలిపారు.

2006లోనే ప్రారంభమైన ప్రాజెక్ట్..

బాబూ పట్టీలో(Amitabh Bachchan Babu Patti) డాక్టర్ హరివంశ్‌రాయ్ బచ్చన్ స్మారక గ్రంథాలయం ఏర్పాటుకు సంబంధించిన కార్యక్రమం 2006లోనే జరిగింది. జయా బచ్చన్, అప్పటి రాజ్యసభ సభ్యుడు అమర్ సింగ్ కలిసి ఈ గ్రంథాలయాన్ని ప్రారంభించారు. అయితే అనంతరం నిర్వహణ, పరిపాలనా సమస్యల కారణంగా లైబ్రరీ పూర్తిస్థాయిలో అందుబాటులోకి రాలేదని సమాచారం. ఇప్పుడు Amitabh Bachchan KBC Video బయటకు రావడంతో ఈ అంశం మరోసారి చర్చకు వచ్చింది. సొంత గ్రామంలోని పిల్లల చదువు కోసం చేపట్టిన ప్రాజెక్ట్‌పై బిగ్ బీ స్వయంగా స్పందించడం పలువురి దృష్టిని ఆకర్షించింది.

సోషల్ మీడియాలో మిశ్రమ స్పందన

Amitabh Bachchan Latest News నేపథ్యంలో ఈ వీడియో సోషల్ మీడియాలో వైరల్‌గా మారింది. కొందరు గ్రామస్తులకు బహిరంగంగా క్షమాపణలు చెప్పి, సమస్యను పరిష్కరిస్తామని హామీ ఇచ్చినందుకు అమితాబ్‌ను అభినందిస్తున్నారు. మరికొందరు మాత్రం ఇంతకాలం లైబ్రరీ అందుబాటులోకి రాకపోవడంపై ప్రశ్నలు సంధిస్తున్నారు. అయితే ఇప్పుడు బిగ్ బీ ఇచ్చిన హామీతో Babu Patti Library మరోసారి వార్తల్లోకి వచ్చింది. లైబ్రరీలో అవసరమైన పుస్తకాలు, సదుపాయాలు ఏర్పాటు చేసి గ్రామంలోని పిల్లలకు పూర్తిస్థాయిలో అందుబాటులోకి తీసుకువస్తారా? అన్నది ఆసక్తికరంగా మారింది.