కోల్‌కతా తొక్కిసలాట.. ఏడుగురు అరెస్ట్!

కోల్‌కతా: పశ్చిమ బెంగాల్‌లోని చోర్‌బాగన్ దుర్గాపూజ(Chorbagan Durga Puja) మండపం వద్ద జరిగిన తొక్కిసలాట తీవ్ర విషాదాన్ని మిగిల్చింది. ఈ ఘటనలో 19 మంది మరణించగా, 24 మంది గాయపడ్డారు. కేసు నమోదు చేసిన కోల్‌కతా పోలీసులు పూజా కమిటీ నిర్వాహకులతో సహా ఏడుగురిని అరెస్టు చేశారు. జనసమూహాన్ని నియంత్రించడంలో జరిగిన లోపాలపై పోలీసులు దర్యాప్తు చేస్తున్నారు. ప్రైవేట్ సెక్యూరిటీ ఏజెన్సీ చేసిన ప్రకటనలు, ఈలలు ఘటనకు కారణమై ఉండొచ్చని ప్రాథమిక సమాచారం వెల్లడైనట్లు ముఖ్యమంత్రి సువేందు అధికారి(Chief Minister Suvendu Adhikari) తెలిపారు. సీసీటీవీ దృశ్యాలను పరిశీలించి బాధ్యులపై చర్యలు తీసుకోనున్నారు. మరోవైపు, మృతుల కుటుంబాలకు రూ.25 లక్షల పరిహారంతో పాటు ఒక్కో కుటుంబంలో ఒకరికి ఉద్యోగం కల్పిస్తామని రాష్ట్ర ప్రభుత్వం ప్రకటించింది.