గోల్డ్ మెడల్‌తో చరిత్ర తిరగరాస్తారా?
చరిత్ర సృష్టించిన భారత అమ్మాయిలు
నాగోయా: ఆసియా గేమ్స్ 2026లో భారత మహిళల హాకీ(Asian Games 2026 Women Hockey) జట్టు సత్తా చాటింది. సెమీఫైనల్లో సౌత్ కొరియాను(South Korea vs India Hockey) 2-0తో ఓడించి ఫైనల్‌లోకి దూసుకెళ్లింది. దీంతో 1982 తర్వాత ఆసియా క్రీడల్లో మహిళల(India Women Hockey) హాకీ గోల్డ్ మెడల్ కోసం భారత్ మరోసారి బరిలో నిలిచింది. అంటే.. 44 ఏళ్ల నిరీక్షణకు తెరదించే అవకాశం ఇప్పుడు భారత అమ్మాయిల ముందుంది. మ్యాచ్ తొలి రెండు క్వార్టర్లలో ఒక్క గోల్ కూడా నమోదు కాలేదు. భారత జట్టు పదేపదే దాడులు చేసినప్పటికీ.. కొరియా గోల్‌కీపర్ అద్భుతమైన సేవ్స్‌తో భారత్‌కు అడ్డుకట్ట వేసింది. దీంతో మ్యాచ్ ఉత్కంఠగా మారింది.
అయితే మూడో క్వార్టర్‌లో భారత దాడులు ఫలించాయి. 44వ నిమిషంలో ఇషికా చౌదరి పెనాల్టీ(Ishika Chaudhary penalty) కార్నర్ అవకాశాన్ని గోల్‌గా మలిచి భారత్‌కు 1-0 ఆధిక్యం అందించింది. ఆ తర్వాత భారత కెప్టెన్ సలీమా టేటే 48వ నిమిషంలో మరో గోల్ సాధించడంతో ఆధిక్యం 2-0కు చేరింది. ఆ తర్వాత కొరియా నుంచి గోల్ కోసం ప్రయత్నాలు జరిగినప్పటికీ భారత రక్షణ గట్టిగా నిలిచింది. చివరి వరకు ఆధిక్యాన్ని కాపాడుకున్న భారత్.. 2-0 విజయంతో ఫైనల్ బెర్త్ ఖరారు చేసుకుంది. దీంతో కనీసం రజత పతకం భారత్ ఖాతాలోకి వచ్చింది.
ఇప్పుడు అసలు పోరు మిగిలింది. ఫైనల్లో భారత మహిళల జట్టు(Indian women's team) డిఫెండింగ్ ఛాంపియన్ చైనాతో తలపడనుంది. ఈ మ్యాచ్‌లో గెలిస్తే 1982 తర్వాత ఆసియా గేమ్స్ మహిళల హాకీలో భారత్‌కు మళ్లీ గోల్డ్ మెడల్ దక్కుతుంది. ఫైనల్ అక్టోబర్ 2న జరగనుంది.కొరియా ఖేల్ ఖతం.. ఇప్పుడు 44 ఏళ్ల కలకు ఒక్క మ్యాచ్ మాత్రమే దూరం. భారత అమ్మాయిలు గోల్డ్ మెడల్‌తో చరిత్ర తిరగరాస్తారా? అన్నది ఆసక్తిగా మారింది.
