పీఆర్టీయూ రాష్ట్ర కమిటీలో ఆరుగురికి కీలక పదవులు!
నాగల్‌గిద్ద, అక్టోబర్‌ 17 (విజయక్రాంతి): పీఆర్టీయూ టీఎస్‌ (PRTU TS) రాష్ట్ర కమిటీలో నాగల్‌గిద్ద మండలానికి చెందిన ఆరుగురు ఉపాధ్యాయ నాయకులకు రాష్ట్రస్థాయి పదవులు దక్కాయి. రాష్ట్ర అసోసియేట్‌ అధ్యక్షులుగా కె. బాబు శెట్టి, శివరావు, ఎం. గణపతి చౌహాన్‌, బిరాదర్‌ రవీందర్‌ రావు, హల్లె బసవరాజు ఎన్నికయ్యారు. రాష్ట్ర కార్యదర్శిగా జి. భాషేట్టి ఎన్నికయ్యారు. ఒకే మండలానికి చెందిన ఆరుగురు నాయకులకు రాష్ట్ర కమిటీలో ప్రాతినిధ్యం లభించడంతో ఉపాధ్యాయ వర్గాల్లో హర్షం వ్యక్తమవుతోంది.
నూతన నాయకులకు అభినందనలు
రాష్ట్రస్థాయి పదవులకు ఎన్నికైన నాయకులను పీఆర్టీయూ టీఎస్‌ మండల శాఖ అధ్యక్షుడు శేరికార్‌ రమేష్‌, ప్రధాన కార్యదర్శి జీవన్‌ రావు అభినందించారు. ఉపాధ్యాయుల సమస్యల పరిష్కారం, హక్కుల పరిరక్షణ, విద్యారంగ అభివృద్ధికి నూతన నాయకులు కృషి చేయాలని ఆకాంక్షించారు.
ఉపాధ్యాయ సమస్యల పరిష్కారానికి కృషి చేయాలి
మండలంలోని ఉపాధ్యాయులు ఎదుర్కొంటున్న సమస్యలను రాష్ట్రస్థాయిలో ప్రస్తావించి, వాటి పరిష్కారానికి చొరవ చూపాలని నూతన నాయకులను కోరారు. రాష్ట్ర కమిటీలో నాగల్‌గిద్ద మండలానికి ప్రాతినిధ్యం లభించడం ద్వారా ఉపాధ్యాయుల సమస్యలకు మరింత ప్రాధాన్యం లభిస్తుందని స్థానిక ఉపాధ్యాయులు ఆశాభావం వ్యక్తం చేస్తున్నారు.
