పార్టీలకతీతంగా గ్రామాభివృద్ధి.. యారోనిపల్లికి ఐమాక్స్ వెలుగులు!
హన్వాడ (విజయక్రాంతి): హన్వాడ మండలంలోని యారోనిపల్లి గ్రామ అభివృద్ధికి పార్టీలకు అతీతంగా కృషి చేస్తున్నట్లు ప్రభుత్వ విప్, ఎమ్మెల్యే ఎన్నం శ్రీనివాస్ రెడ్డి తెలిపారు. కాంగ్రెస్ ప్రభుత్వ పాలనలో అన్ని గ్రామాలు అభివృద్ధి చెందాలనే లక్ష్యంతో యారోనిపల్లి గ్రామానికి ఐమాక్స్ లైట్లు (High-Mast Lights) మంజూరు చేశారు.
దసరా పండుగ కానుకగా గ్రామానికి వీధిలైట్లు (Street Lighting) మంజూరు చేయడంతో గ్రామస్థులు హర్షం వ్యక్తం చేశారు. గతంలో పాత గ్రామపంచాయతీ సమీపంలోని చౌరస్తా చీకటిగా ఉండటంతో రాత్రి వేళల్లో గ్రామస్థులు తీవ్ర ఇబ్బందులు ఎదుర్కొనేవారు. ఈ సమస్యను ఎమ్మెల్యే ఎన్నం శ్రీనివాస్ రెడ్డి దృష్టికి తీసుకెళ్లడంతో ఆయన స్పందించి లైట్లు మంజూరు చేయించారు.
పార్టీలకు అతీతంగా గ్రామ అభివృద్ధికి సహకరించి ఐమాక్స్ లైట్లు ఏర్పాటు చేయించిన ఎమ్మెల్యేకు గ్రామ ప్రజలు, పెద్దలు, మహిళా సంఘాల సభ్యులు కృతజ్ఞతలు తెలిపారు (Gratitude). ఈ లైట్ల ఏర్పాటుతో రాత్రి వేళల్లో చౌరస్తా వద్ద వెలుతురు పెరిగి ప్రజలకు ఇబ్బందులు తగ్గనున్నాయి (Public Convenience).
ఈ కార్యక్రమంలో గ్రామ సర్పంచ్ శవకుల స్వాతి, ఉపసర్పంచ్ మైబమ్మ, కాంగ్రెస్ నాయకులు పోషమాని వెంకటయ్య, బీజేపీ ఓబీసీ మోర్చా మండల అధ్యక్షుడు శవకుల తిరుపతయ్య, రామకృష్ణారెడ్డి, రంగారెడ్డి, గ్రామస్థులు పాల్గొన్నారు.
