అమరావతి: వైయస్ఆర్ కాంగ్రెస్ పార్టీ (Yuvajana Sramika Rythu Congress Party) అధినేత జగన్ మోహన్ రెడ్డి(YS Jagan Mohan Reddy ) కొద్దిసేపటి క్రితం గుంటూరు మిర్చి యార్డుకు చేరుకున్నారు. ఆయన పర్యటనకు ముందు, ఆ ప్రదేశంలో పెద్ద సంఖ్యలో వైయస్ఆర్సీపీ నాయకులు, పార్టీ కార్యకర్తలు గుమిగూడారు. అంబటి రాంబాబు, మెరుగు నాగార్జున, అప్పిరెడ్డి వంటి సీనియర్ పార్టీ నాయకులు జగన్ మోహన్ రెడ్డి రాకను స్వాగతించారు. ఇదిలా ఉండగా, ఆయన పర్యటనకు ఎన్నికల సంఘం (ఈసీ) నుండి అనుమతి లేదని పోలీసులు తెలిపారు. అయితే, ఇది బహిరంగ సమావేశం కాదని, జగన్ మోహన్ రెడ్డికి, రైతులకు మధ్య జరిగిన సంభాషణ మాత్రమేనని వైయస్ఆర్సీపీ నాయకులు వాదించారు. 

రాష్ట్రంలో ఏ పంటకు గిట్టుబాటు ధర లేదు.. రాష్ట్రంలో ఏ ఒక్క రైతు సంతోషంగా లేడు.. రైతుల దీనస్థితికి ప్రభుత్వం కారణం కాదా?.. మా హయాంలో వ్యవసాయం పండగలా మారింది.. రైతులు నష్టపోకుండా గిట్టుబాటు ధర కల్పించాం.. కూటమి ప్రభుత్వ నిర్లక్ష్యంతో రైతులు చాలా కష్టాలు పడుతున్నారని వైఎస్ జగన్ పేర్కొన్నారు. మిర్చి రైతుల ఇబ్బందులు(Problems of pepper farmers) సీఎం చంద్రబాబు(Chandrababu Naidu)కు పట్టడం లేదని మండిపడ్డారు. ప్రస్తుతం క్వింటాకు రూ.10-12 వేలు కూడా రావడం లేదు.. మా హయాంలో రూ.21 నుంచి 27 వేల వరకు ధర వచ్చేదన్న జగన్ రైతులు పండించిన పంట అమ్ముకోలేని పరిస్థితి ఉందని తెలిపారు.