నితిన్ కథానాయకుడిగా తెరకెక్కుతున్న చిత్రం ‘తమ్ముడు’. ప్రముఖ నిర్మాణ సంస్థ శ్రీ వేంకటేశ్వర క్రియేషన్స్ బ్యానర్‌లో రూపొందుతున్న 56వ చిత్రమిది. ఇందులో సీనియర్ నటి లయ కీలక పాత్రను పోషిస్తున్నారు. శ్రీ వేంకటేశ్వర క్రియేషన్స్ సంస్థతో హీరో నితిన్, దర్శకుడు శ్రీరామ్ వేణుకు మంచి అనుబంధం ఉంది. హీరో నితిన్ దిల్, శ్రీనివాస కళ్యాణం వంటి మూవీస్ చేయగా.. దర్శకుడు శ్రీరామ్ వేణు.. నాని హీరోగా ‘ఎంసీఏ’, పవన్‌కల్యాణ్ హీరోగా ‘వకీల్ సాబ్’ వంటి సూపర్ హిట్ చిత్రాలు రూపొందించారు.

ఇప్పుడీ ముగ్గురి కాంబినేషన్‌లో ‘తమ్ముడు’ వస్తుండటం సినీప్రియుల దృష్టిని ఆకర్షిస్తోంది. ప్రస్తు తం ఈ సినిమా చిత్రీకరణ తుది దశకు చేరుకుంది. సంక్రాంతి ఫెస్టివల్ బ్రేక్ లేకుండా శరవేగంగా చిత్రీకరణ జరుపుతున్నారు. క్లుమైక్స్ సన్నివేశాలను తెరకెక్కి స్తున్నారు.

ప్రేక్షకులకు మర్చిపోలేని సినిమాటిక్ ఎక్స్‌పీరియన్స్‌ను ఈ సినిమాతో అందించబోతున్నారు డైరెక్టర్. ఈ చిత్రం త్వరలోనే ప్రపంచవ్యాప్తంగా థియేటర్ల ద్వారా ప్రేక్షకుల ముందుకు రానున్న ఈ చిత్రానికి సినిమాటోగ్రఫీ: కేవీ గుహన్; ఎడిటర్: ప్రవీణ్ పూడి; సంగీతం: అజనీష్ లోకనాథ్; నిర్మాత: దిల్ రాజు, శిరీష్; రచనా-దర్శకత్వం: శ్రీరామ్ వేణు.