ఎలారెడ్డి,(విజయక్రాంతి): కామారెడ్డి జిల్లా గాంధారి మండలం సోమారం తండాకు చెందిన గ్రూప్-1 విద్యార్థిని ఆత్మహత్యకు పాల్పడింది. ఈ ఘటన హైదరాబాద్లోని చిక్కడపల్లిలో చోటుచేసుకుంది. స్థానికులు తెలిపిన వివరాల ప్రకారం.. సోమారం తండాకు చెందిన సురేఖ వాణి గ్రూప్-1 పరీక్ష కోసం హైదరాబాద్లోని అశోక్ నగర్ లో ఉంటూ సన్నద్ధమవుతోంది. ఆమెకు నిజామాబాద్ కు చెందిన వ్యక్తితో వివాహం నిశ్చయమైంది. ఈనెల 7న ఎంగేజ్మెంట్ కూడా జరిగింది. ఈ క్రమంలో సోమవారం రాత్రి సురేఖ ఉరి వేసుకొని ఆత్మహత్య చేసుకుంది. కాగా విద్యార్థిని మృతిపై ఆమె తల్లిదండ్రులు అనుమానం వ్యక్తం చేశారు. విషయం తెలుసుకున్న ఎల్లారెడ్డి మాజీ ఎమ్మెల్యే జాజాల సురేందర్ గాంధీ ఆసుపత్రికి వెళ్లి విద్యార్థిని కుటుంబ సభ్యులను పరామర్శించారు.