సుహాస్, సంగీర్తన హీరో హీరోయిన్లుగా తెరకెక్కుతున్న చిత్రం ‘జనక అయితే గనక’. శిరీష్ సమర్పణలో దిల్‌రాజు ప్రొడక్షన్స్ పతాకంపై హర్షిత్ రెడ్డి, హన్షిత రెడ్డి నిర్మిస్తున్నారు. సందీప్ రెడ్డి బండ్ల దర్శకత్వం వహించిన ఈ సినిమా దసరా సందర్భంగా అక్టోబర్ 12న విడుదల కానుంది. ఇప్పటికే విడుదలైన ట్రైలర్, టీజర్, సాంగ్స్‌కు చాలా మంచి రెస్పాన్స్ వచ్చింది.

తాజాగా ఈ సినిమా నుంచి ‘నువ్వే నాకు లోకం..’ అనే లిరికల్ సాంగ్‌ను చిత్ర యూనిట్ విడుదల చేసింది. విజయ్ బుల్గానిన్ సంగీతం అందిస్తున్న ఈ చిత్రంలోని ఈ గీతాన్ని కృష్ణకాంత్ రాయగా, కార్తీక్ పాడారు. దూరమైన భార్యపై తన ప్రేమను వ్యక్తం చేస్తున్న భర్త మనసులోని బాధ, ప్రేమను తెలిపే ఈ పాట ఆద్యంతం హృద్యంగా సాగుతోంది.