న్యాయం చేయాలంటూ కంపెనీ ఎదుట బాధితులు ఆందోళన

చేగుంట,(విజయక్రాంతి): మెదక్ జిల్లా చేగుంట మండలం కేంద్రంలో ఉన్న వెంకటేశ్వర హేచరీస్ ప్రైవేట్ కంపెనీలో బీహార్ రాష్ట్రానికి చెందిన అభిమన్యు అనుమానస్పదంగా మృతి చెందాడు. బాధిత కుటుంబీకులు తమకు న్యాయం చేయాలని కంపెనీ ఎదుట రాస్తారో నిర్వహించారు. విషయం తెలుసుకున్న చేగుంట పోలీసులు  కంపెనీ యజమాన్యంతో మాట్లాడి మృతుడి కుటుంబానికి న్యాయం చేస్తామని హామీ ఇవ్వడంతో కార్మికులు ఆందోళన విరమించారు. పోలీసులు మృతదేహాన్ని స్వాధీనం చేసుకొని శవ పరీక్షనిమిత్తం ప్రభుత్వ ఆసుపత్రికి తరలించారు. చేగుంట ఎస్ఐని వివరణ కోరగా పోస్టుమార్టం రిపోర్ట్ వచ్చిన తర్వాత పూర్తి వివరాలు  తెలియజేస్తామని చెప్పారు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు వెల్లడించారు.