మున్సిపల్ చైర్ పర్సన్ గందె  రాధిక శ్రీనివాస్

హుజురాబాద్ (విజయక్రాంతి): పోచమ్మ దేవస్థానం అభివృద్ధికి కృషి చేస్తానని మున్సిపల్ చైర్ పర్సన్ గందె రాధిక శ్రీనివాస్ అన్నారు. కరీంనగర్ జిల్లా హుజరాబాద్ పట్టణంలోని పోచమ్మ దేవాలయంలో మంగళవారం అభివృద్ధి పనులకి భూమి పూజ చేశారు. ఈ సందర్భంగా ఆమె మాట్లాడుతూ.. పట్టణంలో ఏకైక పోచమ్మ దేవాలయం అని దేవాలయ అభివృద్ధికి పాలకవర్గ సహకారంతో కృషి చేస్తానని అన్నారు. నాన్ ప్లాన్ గ్రాంట్ నిధుల నుండి  రూపాయలు నాలుగు లక్షలతో దేవస్థానంలోని గర్భగుడి ప్రాంగణంలో సీసీ ప్లాట్ఫారం నిర్మాణం చేపడుతున్నట్లు తెలిపారు. మున్సిపల్ చైర్ పర్సన్ గందె రాధిక శ్రీనివాస్ 4, 5 వార్డు కౌన్సిలర్ ప్రతాప తిరుమల్ రెడ్డి, అపరాజ ముత్యం రాజులను ఆలయ కమిటీ శాలువాలతో సన్మానించారు. ఈ కార్యక్రమంలో మున్సిపల్ కమిషనర్ సమ్మయ్య, ఏ ఈ సాంబరాజు, ఆలయ కమిటీ గౌరవ అధ్యక్షుడు కొలిపాక రమేష్, ఆలయ కమిటీ చైర్మన్ భూమ్ చంటి, భూమ్ రాము, పంజాల సమ్మయ్యతో పాటు తదితరులు పాల్గొన్నారు.