పెద్ద అంబర్​పేట్​ మున్సిపల్​ చైర్​పర్సన్​ పండుగుల జయశ్రీ రాజు

అబ్దుల్లాపూర్​మెట్: పెద్ద అంబర్​పేట్​ మున్సిపాలిటీ పరిధిలో ఉన్న కాలనీ వాసులకు మౌలిక సదుపాయల కోసం కృషి చేస్తానని పెద్ద అంబర్​పేట్​ మున్సిపల్​ చైర్​ పర్సన్​ పండుగుల జయశ్రీ రాజు తెలిపారు. పెద్ద అంబర్​పేట్​ 7వ వార్డు సీసీ రోడ్ల  నిర్మాణం కోసం సోమవారం వార్డు కౌన్సిలర్​ దండెం కృష్ణారెడ్డి, ఇతర కౌన్సిలర్​తో కలిసి నిర్మాణ పనులు ప్రారంభించారు.

ఈ సందర్భంగా ఆమె మాట్లాడుతూ... పెద్ద అంబర్​పేట్​ మున్సిపాలిటీలో మౌలిక సదుపాయల కోసం నిరంతరం కృషి చేస్తానని.. అలాగే  ఎప్పటికప్పుడు నిధులు తీసుకొచ్చి అభివృద్ధి  చేస్తానని తెలిపారు. ఈ కార్యక్రమంలో కౌన్సిలర్​ సిద్దంకి కృష్ణారెడ్డి, కో–ఆప్షన్​ సభ్యులు  ఖాలీమ్​,  నాయకులు విజేందర్​రెడ్డి, బొర్ర సురేశ్​, మున్సిపల్​ కమీషనర్​ ఎస్​ రవీందర్​రెడ్డి, డీఈ శివానందం, కాలనీ వాసులు తదితరులు పాల్గొన్నారు.