హైదరాబాద్: నగరంలోని రాయదుర్గం పోలీస్ స్టేషన్ పరిధిలో బుధవారం విషాదం చోటుచేసుకుంది. రాయదుర్గంలోని ఓ అపార్ట్ మెంట్ 9వ అంతస్తు నుంచి దూకి మహిళ ప్రాణాలు తీసుకుంది. వివరాల్లోకి వెళితే... సరోగసీ కోసం ఒడిశా నుంచి నెల క్రితం వివాహిత(25) వచ్చింది. రాజేష్(55) సరోగసీ కోసం ఒడిశా మహిళలతో ఒప్పందం చేసుకున్నాడు. బిడ్డను కని ఇచ్చేందుకు రూ. 10 లక్షలకు ఒప్పందం కుదుర్చుకున్నారు. నెల రోజులుగా ఒడిశా మహిళను రాజేష్ బయటకు వెళ్లనివ్వలేదు. దీంతో సోమవారం రాత్రి 9వ అంతస్తు నుంచి ఒడిశా మహిళ కిందకు దూకి ఆత్మహత్య చేసుకుంది. ఒడిశా మహిళ భర్త ఫిర్యాదుతో రాజేష్ బాబు పై పోలీసులు కేసు నమోదు చేశారు. రాజేష్ లైంగిక వేధింపులతోనే భవనం పై నుంచి దూకినట్లు భర్త ఫిర్యాదులో పేర్కొన్నారు.