హుజురాబాద్,(విజయక్రాంతి): కరీంనగర్ జిల్లాహుజరాబాద్ మండలంలోని కాట్రపల్లి గ్రామంలో గురువారం సాయంత్రం ఎలుగుబంటి దాడిలో మహిళకు గాయాలయ్యాయి. గంగాధరి వనమ్మ అనే మహిళ వ్యవసాయ పనుల కోసం గ్రామంలోని   పొలం దగ్గరికి వెళ్ళింది. అదే సమయంలో అటు నుంచి వచ్చిన ఎలుగుబంటి మహిళను చూసి దాడికి పాల్పడింది. ఈ దాడిలో మైలబు తలపై గాయం కావడంతో హుజురాబాద్ లోని ఏరియా ఆసుపత్రికి తరలించి చికిత్సను అందిస్తున్నారు. ఎలుగుబంటి సంచారంతో కాట్రపల్లి గ్రామస్తులంతా భయాందోళనకు గురవుతున్నారు. రాత్రి సమయంలో పొలాల  దగ్గరికి వెళ్లాలంటే భయంగా ఉందని ఆవేదన వ్యక్తం చేస్తున్నారు.  అటవీశాఖ అధికారులకు సమాచారం అందించారు. ఎలుగుబంటిని పట్టుకునే వరకు ఇబ్బందులు ఉంటాయని ప్రజలు అప్రమత్తంగా ఉండాలని అధికారులు సూచించారు.