హైదరాబాద్: ఖమ్మం జిల్లాలోని బోనకల్ వద్ద నాగార్జున సాగర్ కాల్వ వద్ద శుక్రవారం ఉదయం ట్రాక్టర్ బోల్తా పడిన ఘటనలో వ్యవసాయ కూలీ(Agricultural labour) మృతి చెందగా, మరో 10 మంది గాయపడ్డారు. ఈ ప్రమాదంలో బోనకల్‌కు చెందిన వ్యవసాయ కూలీ యార్లగడ్డ వరమ్మ(60) అక్కడికక్కడే మృతి చెందింది. మిర్చి కోత పనుల నిమిత్తం 20 మంది వ్యవసాయ కూలీలు ట్రాక్టర్‌లో బోనకల్‌(Bonakal) నుంచి లింగాలకు వెళ్తుండగా ఈ ఘటన చోటుచేసుకుంది. క్షతగాత్రులను చికిత్స నిమిత్తం బోనగల్ ఆసుపత్రికి తరలించినట్లు పోలీసులు తెలిపారు.