గుర్తు తెలియని వ్యక్తుల చేతిలో హత్య  

హైదరాబాద్ సిటీబ్యూరో, నవంబర్ 25 (విజయక్రాంతి): మణుగూ రు ఎక్స్‌ప్రెస్ రైలులో దారుణం చోటుచేసుకుంది. మణుగూరు ఎక్స్‌ప్రెస్‌లోని దివ్యాంగుల బోగీలో ప్రయాణిస్తున్న రమణమ్మ అనే మహిళను గుర్తు తెలియని వ్యక్తులు టవల్‌తో గొంతు నులిమి హత్య చేశారు. అనంతరం రమణమ్మ వద్ద ఉన్నరూ. 25 వేలు అపహరించినట్లు రైల్వే పోలీసులు వెల్లడించారు. ఏపీలోని కడప జిల్లాకు చెందిన రమణమ్మ, గోవిందప్ప దంపతులు బళ్లారిలో నివాసం ఉంటున్నారు.

రమణమ్మ జగద్గిరిగుట్టలో ఉన్నతన పెద్ద కుమార్తె వద్దకు వస్తున్న క్రమంలో ఈ ఘటన చోటుచేసుకుంది. ఆదివారం ఉదయం సికిం ద్రాబాద్ రైల్వే స్టేషన్‌కు రైలు చేరుకున్న సమయంలో దివ్యాంగుల బోగీలో మృతదేహం లభ్యమైంది. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. పూర్తి వివరాలు తెలియాల్సి ఉంది.