రామ్ చరణ్, శంకర్ కాంబినేషన్‌లో రూపొందుతున్న చిత్రం ’గేమ్ చేంజర్’. పాన్ ఇండియా చిత్రంగా ఇది రూపొందుతోంది. దీనిపై అంచనాలు రోజురోజుకూ పెరుగుతున్నా యి. శ్రీమతి అనిత సమర్పణలో శ్రీవెంకటేశ్వర క్రియేషన్స్, జీ స్టూడియోస్ బ్యానర్స్‌పై దిల్ రాజు, శిరీష్ ఈ చిత్రాన్ని నిర్మిస్తున్నారు. దీపావళి సందర్భంగా అభిమానులకు చిత్ర యూనిట్ గుడ్ న్యూస్ చెప్పింది.

గేమ్ చేంజర్ సినిమాకు సంబంధించిన టీజర్‌ను నవంబర్ 9న విడుదల చేయనున్నట్టు ప్రకటించింది. వచ్చే ఏడాది సంక్రాంతి సందర్భంగా జనవరి 10న ఈ సినిమా విడుదల కానుంది. టీజర్ రిలీజ్ అనౌన్స్‌మెంట్ పోస్టర్‌లో రామ్ చరణ్ రైల్వే ట్రాక్‌పై కూలింగ్ గ్లాస్ పెట్టుకుని లుంగీ, బనియన్‌తో పక్కా మాస్ లుక్‌లో కూర్చున్నారు.

దీనిని చూసిన వారు గేమ్ చేంజర్‌లో ట్రైన్ పట్టాలపై ఫైటింగ్ సన్నివేశం ఉండబోతోందని భావిస్తున్నారు. ఇప్పటికే ఈ సినిమా నుంచి రెండు పాటలు విడుదలై మంచి ఆదరణ పొందాయి. ఈ చిత్రంలో రామ్ చరణ్ సరసన కథానాయికగా కియారా అద్వానీ నటిస్తున్నారు. అంజలి, సముద్రఖని, ఎస్.జె.సూర్య, శ్రీకాంత్, సునీల్, నవీన్ చంద్ర తదితరులు కీలక పాత్రలు పోషిస్తున్నారు. తమన్ మ్యూజిక్ అందిస్తున్నారు.