ప్రభాస్, మారుతి కాంబినేషన్‌లో రూపొందుతున్న చిత్రం ‘రాజా సాబ్‘. ఈ చిత్రం గురించి నిర్మాత టీజీ విశ్వ ప్రసాద్ ఆసక్తికర కామెంట్స్ చేశారు. ప్రపంచంలో ఇప్పటి వరకూ ఎవరూ చూపినంతర హారర్‌ను చూ పించడం జరుగుతుందని విశ్వప్రసాద్ వెల్లడించారు. తాజాగా ఆయన ఓ ఇంటర్వ్యూలో మాట్లాడుతూ.. “రాజా సాబ్ భారీ బడ్జెట్‌తో రూపొందుతున్న మంచి కామెడీ ఎంటర్‌టైనర్.

దీనిని రెండేళ్ల క్రితమే అంటే ‘కల్కి’ పూర్తవగానే మొదలు పెట్టాం. దీని స్కేల్ కూడా ఊహించడం ఎవరి వల్లా కాదు. దీని స్టోరీ, సెట్స్, వీఎఫ్‌ఎక్స్ అద్భుతంగా ఉంటాయి. ప్రపంచంలో ఎవరూ చూపించనంత హారర్‌ను ఈ సినిమాలో చూపించబోతున్నాం. దీనిలో ప్రభాస్ లుక్‌కు మంచి స్పందన వచ్చింది.

అలాగే ఈ సినిమా ప్రభాస్ కెరీర్‌లోనే ది బెస్ట్ మూవీ అవుతుందనడంలో సందేహం లేదు. తాజాగా విడుదల చేసిన గ్లింప్స్‌లో చూపించిన దాని కంటే భారీ సెట్‌ను వేశాం” అని తెలిపారు. ఈ చిత్రం పీపుల్ మీడియా పతాకంపై రూపొందుతున్న ఈ చిత్రంలో నిధి అగర్వాల్, రిద్ధి కుమార్, మాళవిక మోహన్ కథానాయి కలుగా నటిస్తున్నారు.