తమిళంలో విడుదలై, విజయాన్ని అందుకున్నది ‘డా..డా’ చిత్రం. ఇప్పుడు ఇది తెలుగులో ‘పా.. పా..’ టైటిల్‌తో రానుంది. కవిన్, అపర్ణ దాస్ ప్రధాన పాత్రల్లో డైరెక్టర్ గణేశ్ కే బాబు తెరకెక్కించారు. జేకే ఎంటర్‌టైన్‌ంట్స్ బ్యానర్‌పై నిర్మాత నీరజ కోట విడుదల చేయనున్నారు. డిసెంబర్ 13న ఈ సినిమా తెలంగాణ, ఆంధ్రప్రదేశ్‌తోపాటు అమెరికా, ఆస్ట్రేలియా థియేటర్లలో విడుదల కానుంది.

ఈ నేపథ్యంలో మేకర్స్ బుధవారం ఈ మూవీ ట్రైలర్‌ను డైరెక్టర్ మారుతి విడుదల చేయించారు. ఈ సందర్భంగా డైరెక్టర్ మారుతి మాట్లాడుతూ.. ‘తండ్రీకొడుకుల సెంటిమెంట్‌తో తెరకెక్కిన ఈ సినిమా తెలుగు ప్రేక్షకులకు బాగా కనెక్ట్ అవుతుంది’ అన్నారు. తెలుగు రాష్ట్రాల్లో ఎంజీఎం సంస్థ నుంచి అచ్చిబాబు విడుదల చేయనున్న ఈ చిత్రానికి జెన్ మార్టిన్ మ్యూజిక్ అందించారు.