అడివి శేష్ స్పై థ్రిల్లర్ ‘జీ 2’తో అలరించబోతున్నారు. ఈ చిత్రం ‘గూఢచారి’కి సీక్వెల్‌గా రూపొందనుంది. ‘గూఢచారి’ భారీ విజయం సాధించడంతో సీక్వెల్‌పై అంచనాలు సైతం పెద్దగానే ఉన్నాయి. వినయ్‌కుమార్ సిరిగినీడి ఈ చిత్రానికి దర్శకత్వం వహిస్తున్నారు. ఈ ప్రతిష్టాత్మక పాన్-ఇండియా యాక్షన్ ఫ్రాంచైజీలో ఇమ్రాన్ హష్మీతోపాటు వామికా గబ్బి చేరారు. ఈ పవర్‌హౌస్ తారాగణంతో ‘జీ 2’ పాన్-ఇండియా మూవీ రూపొందుతోంది.

వామికా, అడివి శేష్ సరసన లీడ్‌గా నటిస్తోంది. ఇటీవల అడివి శేష్‌తో యూరోపియన్ షూటింగ్ షెడ్యూల్‌ను వామికా ముగించారు. ఈ స్పై థ్రిల్లర్‌లో నటిం చడం అనేది తనకు ఒక కొత్త ప్రపంచంలోకి అడుగు పెడుతున్నట్టుగా ఉందని వామికా భావిస్తున్నారు. “జీ 2’ అద్భుతమైన ప్రయాణంలో భాగం కావడానికి నేను చాలా సంతోషిస్తున్నాను. మొదటి చిత్రం చెప్పుకోదగ్గ బెంచ్‌మార్క్‌ని సెట్ చేసింది.

ఈ ప్రపంచంలోకి అడుగుపెట్టడం ఆనందంగా, సవాలుగా ఉంటుంది. ప్రతిభావంతులైన తారాగణం, టీమ్‌తో పనిచేయడం నాకు స్ఫూర్తినిస్తోంది” అని తెలిపింది. ఈ చిత్రంలో మురళీ శర్మ, సుప్రియా యార్లగడ్డ,  మధు షాలిని కీలక పాత్రలు పోషిస్తున్నారు. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్, ఏకే ఎంటర్‌టైన్‌మెంట్స్ బ్యానర్స్‌పై  టీజీ విశ్వప్రసాద్, అభిషేక్ అగర్వాల్ నిర్మించిన ఈ చిత్రం తెలుగు, హిందీ, తమిళం, కన్నడ మలయాళం భాషల్లో విడుదల కానుంది.