ఇండస్ట్రీలో ఎంతమంది అన్నదమ్ములు హీరోలుగా ఉన్నా సూర్య, కార్తీలది ప్రత్యేక స్థానం. వీరిద్దరినీ ఒకే స్క్రీన్‌పై చూడాలని అభిమానులు ఆశ పడుతుంటారు. ప్రస్తుతం వీరిద్దరితో సినిమా చేసేందుకు శివ నిర్వాణ సిద్ధమవుతున్నారని సమాచారం. మల్టీస్టారర్ కథను సిద్ధం చేసుకుని మైత్రీ మూవీ మేకర్స్ నిర్మాతలకు చెప్పారట. స్టోరీ లైన్ వారికి నచ్చడంతో ఫుల్ స్క్రిప్ట్ సిద్ధం చేయమని చెప్పారట.

ప్రస్తుతం శివ నిర్వాణ ఆ పనిలో ఉన్నారట. మరోవైపు ఈ మల్టీస్టారర్ సినిమాను తమిళంలో చేయాలని భావిస్తుండటంతో హీరోలుగా సూర్య, కార్తీలైతే బాగుంటుందని శివ నిర్వాణ భావిస్తున్నా రట. ఈ క్రమంలోనే వారిని ఒప్పించే యత్నం చేస్తున్నారట.

ప్రస్తుతం సూర్య ‘కంగువా’ ప్రచార కార్యక్రమాల్లో బిజీగా ఉన్నారు. మరోవైపు కార్తీక్ సుబ్బరాజుతో సినిమా చేస్తున్నారు. టీజే జ్ఞానవేల్ దర్శకత్వంలోనూ మూవీకి ఓకే చెప్పారట. కార్తీ కూడా సర్దార్ పార్ట్ 2 షూటింగ్ పనుల్లో బిజీగా ఉన్నారట. ఈ నేపథ్యంలో వీరిద్దరూ శివ నిర్వాణకు గ్రీన్ సిగ్నల్ ఇస్తారో లేదో చూడాలి.