హుజురాబాద్, మార్చి 27,(విజయక్రాంతి):  బిల్లులు చెల్లించమంటే అరెస్టు చేస్తున్నారు ఇది ఎక్కడి న్యాయం అని రంగాపూర్ తాజా మాజీ సర్పంచ్ బింగి కరుణాకర్ ప్రభుత్వాన్ని ప్రశ్నిస్తున్నారు.  మాజీసర్పంచ్ బింగీ కరుణాకర్ ని గురువారం ఉదయం అరెస్టు చేసి స్టేషన్ కు తరలించారు. సుమారు 25 లక్షల పెండింగ్ బిల్లులు రావాలని ప్రభుత్వాన్ని అడిగితే ఏ ముఖ్యమంత్రి కాలంలో పనులు చేశారని అడుగుతున్నారని అన్నారు. ఇది ప్రజా ప్రభుత్వమా ప్రజల హక్కులను కాలరాసే ప్రభుత్వం అని ప్రశ్నించారు.

చిన్న కాంట్రాక్టర్లు కమిషన్లు ఇచ్చుకోలేరని పనిచేసిన వాటికి బిల్లులు అడుగుతే నెలకు మూడు   పర్యాయాలుఅరెస్టులు చేస్తూ సమయ భావాన్ని వృధా చేస్తూ మాజీసర్పంచులనుమానసికంగా ఒత్తిళ్లకు గురి చేస్తున్నారని  ఆవేదన వ్యక్తం చేశారు.  మాయమాటలతో ఓట్లు వేయించుకొని ఆరు గ్యారెంటీల హామీలతో ప్రజలను మోసం చేసి న రేవంత్ రెడ్డి తగిన మూల్యం చెల్లించుకోక తప్పదని అన్నారు. అరెస్టు అయిన వారిలో మాజీ సర్పంచులు పాకాల లక్ష్మారెడ్డి, నిరోషా కిరణ్, తిరుమల తిరుపతి తో పాటు వివిధ గ్రామాల సర్పంచులు ఉన్నారు.