బాలీవుడ్‌లో అయాన్ ముఖర్జీ దర్శకత్వంలో ‘వార్ 2’ రూ పొందుతున్న విషయం తెలిసిందే. ఈ చిత్రంలో హృతిక్ రోషన్, కియారా అద్వానీ జంటగా నటిస్తున్నారు. ప్రస్తుతం ఈ సినిమా షూటింగ్ ముంబైలో శరవేగంగా జరుగుతోంది. ఎన్టీఆర్ ‘దేవర’ చిత్రం విడుదలవగానే కాస్త గ్యాప్ తీసుకుని ఈ చిత్రం షూటింగ్‌లో జాయిన్ అయ్యారు.

తరువాత ప్రశాంత్ నీల్ చిత్రంలో పాల్గొనాల్సి ఉండటంతో ఎన్టీఆర్ కూడా బ్రేక్ తీసుకోకుండా షూటింగ్‌లో పాల్గొంటున్నారు. ప్రస్తుతం క్లుమైక్స్ సన్నివేశాలను అయాన్ తెరకెక్కిస్తున్నట్టు తెలుస్తోంది. అయితే ప్రస్తుతం ఈ చిత్రంలోని స్పెషల్ సాంగ్ హాట్ టాపిక్‌గా మారింది. దీని కోసం బాలీవుడ్ భామ శ్రద్ధా కపూర్‌ను తీసుకుంటున్నట్టు తెలుస్తోంది.

‘స్త్రీ 2’ తర్వాత శ్రద్ధా హవా నడుస్తోంది. ఈ క్రమంలోనే ఆమె అయితే పాటకు మరింత క్రేజ్ వస్తుందని మేకర్స్ భావిస్తున్నారట. ఆసక్తికర విషయం ఏంటంటే.. ఈ స్పెషల్ సాంగ్‌లో హృతిక్, ఎన్టీఆర్ ఇద్ద రూ ఉంటారట. ఇద్దరూ డ్యాన్స్ చాలా బాగా చేస్తారు. వీరిద్దరితో డ్యాన్స్ చేసే అవకాశం శ్రద్దా కపూర్‌కి రావడం ఆమె అదృష్టమని బాలీవుడ్ మీడియా చెబుతోంది.