ఖమ్మం, నవంబర్ 29 (విజయక్రాంతి): కుటుంబ కలహాలతో భర్తపై భార్య కత్తితో దాడి చేసి తీవ్రంగా గాయపర్చిన ఘటన ఖమ్మం జిల్లా వైరా మండలం గొల్లపూడి గ్రామం లో శుక్రవారం చోటు చేసుకుంది. గొల్లపూడి గ్రామానికి చెందిన పోరళ్ల  రవికి, లక్ష్మీతో ఏడాది క్రితం వివాహమైంది.

విద్యాశాఖలో పని చేస్తున్న రవి తరచూ మద్యం సేవించి విధులకు హాజరవుతుండటంతో ఉద్యో గం నుంచి తొలగించారు. అయినా మారని రవి మద్య సేవించి అనుమానంతో భార్యను వేధిస్తుండటంతో ఇద్దరి మధ్య తరచూ గొడవులు జరుగుతున్నాయి. శుక్రవారం కూడా గొడవ పడటంతో కోపంతో లక్ష్మి కత్తితో రవిపై దాడి చేసింది. తీవ్రంగా గాయపడిన రవిని స్థానికులు ఆసుపత్రికి తరలించారు.