యాభైకి పైగా చిత్రాల్లో కథానాయికగానే కాక విలక్షణ పాత్రల్లోనూ నటించింది అంజలి. తాజాగా ఆమె ప్రధాన పాత్రలో నటిస్తున్న వెబ్ సిరీస్ ‘బహిష్కరణ’. ముఖేష్ ప్రజాపతి తెరకెక్కించిన ఈ సిరీస్ ఈ నెల 19 నుంచి ఓటీటీ ప్లాట్‌ఫాం జీ5లో స్ట్రీమింగ్ కానుంది. ఈ నేపథ్యంలో ఈ సిరీస్ ట్రైలర్‌ను సీనియర్ హీరో నాగార్జున అక్కినేని బుధవారం విడుదల చేశారు. ‘మంచో డు చేసే తప్పేంటో తెలుసా.. చెడ్డోడి చరిత్ర గురించి తెలుసుకో వటం’ అనే డైలాగ్‌తో ప్రారంభమైంది ట్రైలర్. పచ్చని పల్లెటూరు.. అక్కడ అంజలి, శ్రీతేజ్, అనన్య నాగళ్ల పాత్రల మధ్య సన్నివే శాలను చూపిస్తూనే ఆ పల్లెలో ఓ ఊరి పెద్ద, అతని మనుషులు చేసే దురాగతాలను ట్రైలర్‌లో చూపించారు. ఆ ఊరిలోకి పుష్ప అనే అమ్మాయి రాగానే పరిస్థితులు మారుతాయి. పుష్ప ఎక్కడి నుంచి వచ్చింది? ఊరి పెద్దతో ఆమెకున్న సంబంధం ఏమిటి? అమ్మాయిలను ఆట వస్తువులుగా చూసిందెవరు? ఇలాంటి ఎన్నో ప్రశ్నలకు సమాధానం కోసం ‘బహిష్కరణ’ సిరీస్ చూడాల్సిందే నన్న భావన కలుగుతోంది ట్రైలర్ చూస్తుంటే.