చివవరిగా ‘యోధ’లో కనిపించిన బాలీవుడ్ నటుడు సిద్ధార్థ్ మల్హోత్రా ఓ కొత్త చిత్రాన్ని ప్రకటించాడు. ‘వన్: ఫోర్స్ ఆఫ్ ది ఫారెస్ట్’. అనే పేరుతో తెరకెక్కుతున్న ఈ జానపద పౌరాణిక థ్రిల్లర్ చిత్రానికి దీపక్ మిశ్రా దర్శకత్వం వహించనున్నారు. టైటిల్ అనౌన్స్‌మెంట్ సందర్భంగా విడుదల చేసిన వీడియోలో ‘సూర్యాస్తమ యం తర్వాత అడవిలోకి ప్రవేశించడం కచ్చితంగా నిషేధించబడింది’ అని రాసి ఉన్న సైన్ బోర్డుతో ప్రారంభమైంది. 

ధోతీ ధరించిన వ్యక్తి సాంప్రదాయ టార్చ్ పట్టుకుని అడవి మధ్యలో పరుగెత్తడం కనిపిస్తుంది. మిగతా నటీనటులు, సాంకేతిక సిబ్బంది గురించిన వివరాలేవీ మేకర్స్ ఇప్పటికైతే ప్రకటించలేదు. ఇందులో సారా అలీఖాన్ కూడా నటిస్తున్నట్టు బాలీవుడ్ వర్గాల సమాచారం. జాన్వీ కపూర్‌తో కలిసి ‘పరమసుందరి’ అనే మరో చిత్రంలోనూ సిద్ధార్థ్ మల్హోత్రా నటించనున్నారు. మేకర్స్ ఈ సినిమాను ఇంకా అధికారికంగా ప్రకటించలేదు.