జాతీయస్థాయి క్రికెట్ పోటీలకు ఎంపిక

అభినందించిన మాజీ సీఎం కేసీఆర్

గజ్వేల్, నవంబర్ 23: క్రికెట్‌లో మరింత రాణించి యావత్ దేశం దృష్టి గజ్వేల్ వైపు సారించేలా ఉన్నతస్థాయికి ఎదగాలని మాజీ సీఎం, గజ్వేల్ ఎమ్మెల్యే కేసీఆర్.. క్రికెట్ క్రీడాకారుడు ప్రశాంత్‌కు సూచించారు. గజ్వేల్ పట్టణంలోని 9వ వార్డు బీఆర్‌ఎస్ యూత్ అధ్యక్షుడు ఎస్.ప్రశాంత్.. బీసీసీఐ అనుబంధ సంస్థ అయిన ఫిజికల్లీ ఛాలెంజ్‌డ్ క్రికెట్ అసోసియేషన్ ఆఫ్ ఇండియా నిర్వహిస్తున్న ఛాలెంజర్ ట్రోఫీ  క్రీడా పోటీ లకు తెలంగాణ రాష్ట్రం తరుపున ఎంపికయ్యాడు.

శనివారం ఎర్రవల్లిలోని ఫాం హౌస్ zలో ప్రశాంత్‌ను.. కేసీఆర్ అభినందించారు. బీఆర్‌ఎస్ అండగా ఉంటుందని ధైర్యాన్నిచ్చారు. కార్యక్రమంలో బీఆర్‌ఎస్ సీనియ ర్ నాయకులు నర్సింగరావు ఉన్నారు.