1. రాష్ట్ర ఆరోగ్య శాఖ మంత్రి దామోదర రాజనర్సింహ
   

రాయికోడ్లో జొన్నల కొనుగోలు కేంద్రం ప్రారంభం

రాయికోడ్(సంగారెడ్డి), ఏప్రిల్ 18(విజయక్రాంతి):జొన్నలకు ప్రభుత్వ మద్దతు ధర అందించడానికి కృషి చేస్తున్నట్లు రాష్ట్ర ఆరోగ్య శాఖా మంత్రి దామోదర రాజనర్సింహ్మ తెలిపారు రాయికోడ్  మార్కెట్ కమిటీ ఆవరణలో ప్రభుత్వం ఏర్పాటు చేసిన జొన్నల కొనుగోలు కేంద్రాన్ని మంత్రి శుక్రవారం ప్రారంభించారు. ఈ ప్రాంతంలో ఎక్కువగా జొన్నలు రబీ పీజన్లో సాగు చేస్తారని జొన్నలకు ప్రభుత్వం మద్దతు ధర అందించడం కోసం కృషి చేస్తున్నట్లు తెలిపారు.

ప్రభుత్వం ప్రకటించిన మద్దతు ధర క్వింటాలుకు రూ.3371 కి కొనుగోలు కేంద్రాలలో జొన్నలను కొనుగోలు చేయునట్లు మంత్రి తెలిపారు. ఈ ప్రాంత రైతులు కొనుగోలు కేంద్రాలను సద్వినియోగం చేసుకోవాలని మంత్రి సూచించారు. రైతులు దళారుల బారిన పడకుండా ప్రభుత్వము ఏర్పాటు చేసిన కొనుగోలు కేంద్రంలో తమ జొన్నలను విక్రయించి ఆర్థికంగా అభివృద్ధి చెందాలని మంత్రి ఈ సందర్భంగా సూచించారు.

ఈ కార్యక్రమంలో జిల్లా గ్రంధాలయ చైర్మన్ అంజయ్య,  మార్కెట్ కమిటీ చైర్మన్ సుధాకర్,  సెట్విన్ చైర్మన్  గిరిధర్  రెడ్డి, ఆత్మ కమిటీ చైర్మన్ నాలాచెరు కచూర్ రావు, బీసీ సంక్షేమ శాఖ అధికారి జగదీష్, ఆర్డీవో రామిరెడ్డి ,  ఎ డి ఎ సత్యనారాయణ, ఎంపీడీవో షరీఫ్, ప్రజా ప్రతినిధులు, రైతులు, సంబంధిత అధికారులు తదితరులు సిబ్బందిపాల్గొన్నారు.