సంగారెడ్డి ఎమ్మెల్యే చింత ప్రభాకర్..

సంగారెడ్డి (విజయక్రాంతి): మహాత్మ జ్యోతిరావు పూలేను ప్రతి ఒక్కరు ఆదర్శంగా తీసుకొని ముందుకు పోవాలని సంగారెడ్డి ఎమ్మెల్యే చింతా ప్రభాకర్ కోరారు. బుధవారం సంగారెడ్డి పట్టణంలోని 30వ వార్డులో మహాత్మా జ్యోతిరావు పూలే వర్ధంతి కార్యక్రమంలో పాల్గొని విగ్రహానికి పూలమాలలు వేసి ఆయన చేసిన సేవలు కొనియాడారు. సంగారెడ్డి ఎమ్మెల్యే చింత ప్రభాకర్ మాట్లాడుతూ.. జ్యోతిరావు పూలే బడుగు, బలహీన వర్గాల, ఆత్మగౌవరం, అభ్యున్నతి కోసం కృషి చేసిన మానీయుడు అని కొనియాడారు. 30వ వార్డులో చాలా సమస్యలు ఉన్నాయని, గతంలో వార్డు అభివృద్ది కోసం రూ.1 కోట్ల మంజూరు చేయించడం జరిగింది. ప్రభుత్వం మారడంతో మంజూరైన నిధులను రద్దు చేశారన్నారు. ఈ వార్డు అభివృద్ధికి పూర్తి సహకారం ఉంటుందని, వార్డు సభ్యులకు ఎమ్మెల్యే హామీ ఇచ్చారు. ఈ కార్యక్రమంలో బీఆర్ఎస్ నాయకులు కాసాల బుచ్చిరెడ్డి, విజేందర్ రెడ్డి, అనంతయ్య, బిరయ్య యాదవ్, ఆంజనేయులు, అన్వర్ వార్డు ప్రజలు పాల్గొన్నారు.